السلام عليكم ورحمة الله وبركاته
شحالكم حبوبـاات ؟ . .
عندي طريقه سهله وبسيييطه ولذيييذه ومتـاكده أنكم بتحبونها ان شالله
..
بس إسمحولي هالمره مابحط صوره لنـي سويت السويت وخلص مالحقت اصوره
[ سويييت النوتيــلا ]
*
المقادير . .
- فنجان حليب
- بسكويت اولكر
- نوتيلا
[ القوطي كله ]
- ظرف دريم ويب
- 3 قشطه
- أكواب شفافه
[ انا افضلهم اكثر من البايركس يطلع الشكل امرتب واحلى بس كل واحد ع راحته ]
- أي نوع من الفواكـه
[ بـلوبيري ، فراوله أو اي شي انتي تحبينه ]
*
الطريقه . .
- ناخذ 2 قشطه + قوطي النوتيلا وانذوبهم ف حمام ماائي.
- انحط 1 قشطه + ظرف دريم ويب + فنجان الحليب فالخلاط ونخلطهم لمده لاتقل عن 3 دقائق وعقب مانخلص من هالخلطه انحطها فالثلاجه .
- ناخذ حبة بسكوت وانغمسها ف الحليب وانحط فوقها شوي من خلطة النوتيلا ونرد ناخذ حبة بسكوت وفوقها خلطة النوتيلا وانكرر هالطريقه ليين مانحس انه وصل نص الكوب [
اذا فالبايركس نغمس حبات البسكوت وانحطهم عدال بعض وانحط خلطة النوتيلا عليهم وانرد انحط بسكويت وعلى هالطريقه ]
- عقب مانخلص انطلع الخلطه الثانيه من الثلاجه وانحطها على خلطة النوتيلا [
افضل استخدام اقمااع التزين عشان يطلع الشكل احلى وارتب بس اذا ماتوفر مب مشكله بالملعقه لكن شوي شوي عشان الشكل مايخترب ]
- وآخر شي فوق الطبقه الاخييره انحط اي نوع من الفواكه [
بلوبيري ، فراوله ، روز بيري ، مالتيزرز < جوكليت ] ويوضع فالثلاجه لين مايتماسك ويقدم بارد
وهنـي وعـافيـه
نـووودي ~
رد مع اقتباس
