عنوان الموضوع : مولتن كيك ولا اروع وبالصور والخطوات...عمايل ايديه طبخ الامارات
مقدم من طرف منتديات الضمير العربي
السلام عليكم ورحمة الله وبركاااته
اشحالكم يابنات ...وعلوم الدار
انا اليوم سويت مالتن كيك ...يمكن معضمكم يعرف هالكيكه ...هالكيكة تكون موجوده دائما في قائمة اشهر المطاعم وتعتبر كيكة راقيه جدا ...انا جربتها في شيليز وهاي هي صورتهاطبعا انا ماقدرت ابدع في شكلها نفسهم ...بس طعمها كان عجييييب
ونبدا الحين .... ونقول بسم الله
المقادير تكفي ل 4 اشخاص
المقادير :::
1* 12مكعب من الكاكاو نفس اللي في الصوره(alprose swiss baking chooclate)
* 6 مكعبات من كاكاو اسود بنسبة 65% (madagascare) اعتقد في شيليز يستخدمون الاسود اكثر بس انا عشان اليهال استخدمت العادي اكثر
* زبدة
* 1م ك سكر بني
* بيضتين كاملات
* 2 صفار بيضه
* ملعقة كبيرة طحين رقم 1 بس انا نسيت احطه في الصورة
الطريقة :::
اول شي نفتح الفرن على درجة حرارة 205
نييب قدرين واحد اصغر عن الثاني ..
***نحط في الكبير ماي ونخليه يغلي
***ونييب الصغير ونحط فيه الكاكاو والزبدة
وبسبت البخار وحرارة الماي بيذوبون ...نفس هالصورة وانا اشرت على القدرين
بعد مايذوبون عدل ننقلهم لصحن عشان نحط باقي الاضافات مع الخفق المستمر
***نضيف السكر البني ونخفق
***نضيف البيض وحده ونخفق الثانيه ونخفق الثالثه ونخفق والرابعه ونخفق
***وبعدين نضيف ملعقة الطحين ونخفق
***نييب صحون الفخار نفس اللي في الصوره وندهنهم بالزبده من تحت وفوق ونصب الخليط فيهم بشكل نظيف ومرتب.....(هاي الصورة بعد ماطلعتهم من الفرن ..اسفة بس ماصورتها قبل)
***نحطهم في الفرن بحذر عشان مايطلع الكاكاو ويخرب الشكل ونزيد على الحرارة ونخليها 335
***نخليهم لمدة 15 دقيقة وقبل لا تطلعينهم هزي واحد منهم اذا شفتي الاطراف جامده لكن النص يتحرك مثل الجلي يعني احنا خالصييين وكله تمام ...
***طلعيهم وخليهم يرتاحون شوي لمده 10 دقايق ...
***ييبي السكين ودخليها من الاطراف ودوريها برقة يعني حاولي تفكين الاطراف
ييبي صحن التقديم وسوي حركة الكريم كارمل ...يعني نفس الصورة
واجلبيها نفس هالصورة
وعقبها حطي عليها اي نوع تفضلين من الايس كريم ...بس لازم يكون فانيليا
وهذا هو الشكل النهائي لها ...وبالعاااافية عليييكم ...واول وحده ترد لها الكيكة بكبرها والثانيه بس لها الايس كريم
واتمنى تكون عيبتكم الوصفة ...اخوتي ردوا ولو بدعاء او كلمة طيبه والسموحه
واي وحده تجربها اماااانه تقولي كيف طلعت النتيجه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
يمي شكلها ايخبل لازم اجربها
تسلم يدج ^^
__________________________________________________ __________
>>>> الرد الثالث :
واااااااااااااااااااااااو شكلها روعه ماشاء الله تسلم ايدج
__________________________________________________ __________
>>>> الرد الرابع :
والله تيينن
يجنن
__________________________________________________ __________
>>>> الرد الخامس :
شكلها يخبل
رد مع اقتباس
