عنوان الموضوع : الشاطرات في السلطااااات / ممكن تدخلين //////// من مطبخ الامارات
مقدم من طرف منتديات الضمير العربي

السلام عليكم ورحمة الله وبركاته ....
اللي مبدعه وشاطرة في السلطات مع التتبيلة ياريت ماتبخل علينا .........

ننتظر وصفااااااااااااااتكم ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا مب وايد ويا السلطات .. وكلها تطلع وليدة اللحظة واللي موجود جدامي :1 (19):

بس في سلطتين دوم اسويها ويحبونها ويطلبونها مني .. بس هاللي شاطره فيهم :1 (32):


السلطة الأولى: خفيفة



المقادير : خس .. توست محمص مقطع مكعبات .. وذرة ( علبة )

مقادير الصوص: علبة روب لايت .. ملعقة عصير ليمون .. ملعقة زيت زيتون .. ملعقة خردل


الطريقة:

- اتقطعين الخس قطع كبيرة .
- اتحمصين التوست .. ولو اتقصينه مكعبات وعقب تحمصينها احلى وارتب..
- اتضيفين الذرة للخس ..
- وتخلطين مقادير الصوص ويا بعض عدل
- اتحطين التوست عالسلط وتصبين عليه الصوص وتخلطينهم عدل وترشين عليه جبن برمزان اذا عندج
- الصوص والتوست حطيهم وقت التقديم عشان مايكون التوست وايد لين وذايب



السلطة الثانيه: دسمة


هاي الفتها يوم عمتي يت عندنا وحطيت الاشياء اللي تحبها والحمدلله طول ماهي تاكل تمدح في السلطة


المقادير:

- باذنجان مقطع مكعبات ومقلي ... - بطاط مقطع مكعبات ومقلي...
- نخي ( افضل اللي في بيت مسوينه وممكن الجاهز )
- علبة ذرة
- خس مقطع قطع وسط لاهي بكبيرة ولا بصغيرة..
- خيار قطع صغيرة..
- جزر مبشور..
- ممكن اتضيفين دياي عليها اذا تحبين .. انا سويت بدون دياي


الطريقة:

- تخلطين المقادير ويا بعض عدل ( وياريت قبل التقديم )
- وتحطين عليه الصوص ( نفس صوص السيزر.. اللي هو عبارة عن روب وليمون وزيت زيتون
وشوية خردل وممكن بدون خردل )


اتمنى تعيبج سلطتي ... وان شاء الله نشوف سلطات ثانيه من البنات ... عشان نستفيد كلنا

__________________________________________________ __________

>>>> الرد الثاني :
مشكووورة ...وماقصرتي ..
وينكم الباقيات ؟؟؟؟

__________________________________________________ __________

>>>> الرد الثالث :
انا أحب االسلطات

سلطة الملفوف ويا البصل الأبيض ..
يميييييييييي

بصله بيضه ت قطعينها طواال .. و ملفوف أبيض تقطعينه طواال

الصوص .. : روب مع خل و ليمون و كزبره تخلطينهم في الخلاط .. و تضيفينها ع السلطه و ترشين السلطه ب سماق ...

السلطه الأيرانيه

بصل و طماط و خيار بس ..

تقطعينهم صغاااااااااااااار .. و تظيفين عليهم الملح و الليمون و الخل ع حسب الطلب ..

صلطة المعكرونه

معكرونه
خس
طماط
ملفوف
ذره
وحمص دوائر )حسب الرغبه)

تفورين المعكرونه الصغار .. كميه قليله .. و تضيفينها على باقي المكونات اللي تكون مقطعتنها قطع كبيره ...
وتحطين عليها صوص جاهز .. عندج في الجمعيه thousand island
روعه صلصاتهم .. في انواااااااااع و اشكال و مجربتنهم كلهم .. كل وحده أحلى من الثانيه ....



التبوله مع الروب و الخبز المحمص

جربيها روعه شوي عليها .. انا واااااااااااايد أحبها ..

اسوي تبوله اللي مكوناتها بقدونس و طماط و بصل تقطعينهم صغاااااااااااااار .. وتضيفين عليهم الخل و الليمون و البرغل ..

بعدين أخلطيهم مع الروب .. على حسب الرغبه .. تبين واايد أو شوي ..

وحمصي خبز .. )قطعي خبز مربعات و وحمصيه في زبده .. ) و عقب ما ييبس ضيفيه على التبوله يم يم يممممممممممممممممي ..



بعد بكتبلج سلطات ثانيه نفس السيزر سلط اللذيييييييييييييذه .. و غيرها ... بس لي عوده مره ثانيه

__________________________________________________ __________

>>>> الرد الرابع :
الظبيانية

ماااقصرتي ومشكوورة

__________________________________________________ __________

>>>> الرد الخامس :
انا بكتبلج السلطات اللي يعيبوني ودوم اسويهن
سلطة الدياي مع الصوص الابيض والجبن:
المقادير خس + طماط+خيار+زيتون حلقات+ جزر مبشور+ صدر دياي مشوي ومقطع مكعبات+جبن شدر مبشور
نقطع الخس والطماط مكعبات كبيرة والخيار نقشره ونقطعه مكعبات ونضيف الجزر المبشور والدياي والجبن المبشور
وفي الاخير نضيف الصوص الابيض ثاوزاند ايلاند ونخلطهم مع بعض
واحيانا اذا مابغيت دياي استبدله بجبن فيتا الابيض واسوي نفس السلطه بدون الدياي وبدون الجبن المبشور