اليوم بعلمكم طريقة المخلل وانا تعلمتها من وحدة سورية فنااااااااااانة واكلاتها تخبل وبعلمكم الطريقة وااااايد سهلة والطعم يممممممممممممم بتدعولي انشالله
1- اول شي لازم يكون الخيار عضوي يعني بدون كيماويات وبتحصلونه بجمعيات الاتحاد التعاونية
لان الخيار العادي بيخترب ومابيعطيج الطعم اللي نبغيه
2- اي كمية خيار بس يكون صغير ورفيع غسليه زين واقطعي الراس من الطرفين شوية بس
3- رتبي الخيار باي مطربان تختارينه على حجم المخلل مالتج ورتبيه بطريقة يكون متراص ويا بعض وقشري جم حبة ثوم وحطيهم ويا الخيار
4- واختاري جم حبة فلفل حار وبارد وسوي فيها ثقب عسب يدخل الماي فيها ويطلع طعم الحار بس لاتكثرين الفلفل اذا ماتحبين الحار ( هو يعطي طعم للخيار حار خفيف بس لاتخافين )
5- بعد مارتبنا الخيار والفلفل والثوم
انا تعلمت مقادير الماي والملح 3 اكواب ماء+ 3 ملعقة طعام ملح ( بس ملح خشن مكتوب على الكيس ملح بحري ) يعني الملح الناعم ماينفع مول انتبهي وتحصلين نوعية الملح الخشن في الكارفور
نخلط 3 اكواب ماي و3 معالق ملح خشن و2 ملعقة سكر نذوبها بالماي كل المقادير ونتريا عليها تذوب ويصير لون الماي صافي
6- نصب الماي المالح فوق الخيار والفلفل ونتاكد انو تغطى وماشي يطوف فوق واذا الماي مايكفي الكمية زيدي عليه نفس مقادير الماي والملح والسكر وبنفس الطريقة
7- بعدين سكري المطربان زين واحكمي اغلاقها عسب مايدخل فيها الهوا وبعد 3 ايام تشوفين لون الخيار تغير وصار مخلل افتحيها
وبالهنا والعافية جربوها وادعولي