بسم الله الرحمن الرحيم
ورق عنب من مطبخ بنت الإمارات~
شخباركم ؟ ان شاء الله طيبين ؟
اليوم ان شاء الله باحط لكم خطوات مصورة لورق العنب ..
أول شئ لازم يكون الشخص رايق لما يبتدي يطبخ ..
واحين نبتدي الشغل العدل ..
المقادير:
كوبين أرز مصري(سنوايت) منقوع بماي دافي
حبه بصل مفروم ناعم
حبتين طماطم مفروم ناعم
ربطة بقدونس مفروم ناعم
نعناع مجفف حسب الرغبة (آنا حطيت شوي)
نص كوب زيت زيتون
كوب ليمون مع الخلطه يكون.. وكوب بنصبه أخر شي .. حسب رغبتكم ..
ملح وفلفل أسود
مكعب ماجي نكهة مرق الدجاج
الطريقة :
1. نحط البصل والطماطم والبقدونس والنعناع المجفف والأرز ونخلطهم عدل ..
2. نضيف زيت الزيتون وعصير الليمون والفلفل الأسود ومكعب الماجي..
3. ونخلط المكونات مع بعضها البعض حتى تتجانس مثل ماتشوفون في الصوره
4. نلف ورق العنب ...
5. نجيب الجدر ونحط بالقاع البطاطا..
6. نصف ورق العنب جنب بعض مع وجود حلقات بصل وبطاطا شوي .. ونحط فوقه صحن ثقيل حتى مايتفكك ورق العنب..
7. لتحضير المرق اللي بنصبه فالجدر ( عصير ليمونة فكوب مثل ما ذكرنا و مكعب
ماجي و ماي و زيت زيتون فنص كوب.)
بعدين نصب المرق على الجدر ونحاول يكون المرق مغطي ورق العنب كامل .... سوري نسيت اصوره
8. نطبخه على نار هادية لمدة ساعة ونص الى ساعتين ..
ونحاول نشوفه بين فترة وفترة اذا محتاج ماي نضيف ماي ..
انا كنت اشوفه كل نص ساعه .. واخذ مني تقريبا ساعة ونص ..
وبس شكله النهاائي جي .. بس ما خلص مالي بعده ع الجدر فرش خخ.. لما يخلص بصور لكم صحني
هااي صوره مشابهه طبعاا للورق العنب .. للي بكله يم يم
و بالعافيه على خشمي >> اقصد ع بطني خخخخخخ سال لعابي ..
رد مع اقتباس
