عنوان الموضوع : لبشرة جميلة ورائحة عطرة وجسم سليم مشروب الزنجبيل وعصير البرتقال حلوى الامارات
مقدم من طرف منتديات الضمير العربي

الســــلام عليكـــم

Le PerLe في قسم الطبخ وأخيـــراً

حـــابة أحـط لكـم اليــــوم نـــوعين من أنواع المشروبات والعصاير
اللي فـــوايدهم ما تحصى ولا تعــد >> شو رايكـــم باللغة العربية

أول مشــــروب بيكــــون الزنجبيل ويا الليمون والعسل
طبعـــا ما يخفـــى على حد فوايد الزنجبيل وإنها صيدلية بكبرها
واتساعد على التخلص من الزجام والصداع وخاصة في مشروبنا
اللي بيكون وياه العسل والليمون وطبعا الاستمرار يومياً في شرب هالعصير
بيخلي ريحة الجسم طيبة وجميلة



الحين خلينا ويا المقادير والطريقة( طبعاً الكمية اللي حطيتها في الصورة لغرض التصوير فقط )
والمقادير اللي حطيتها لكل كـــوب ( أو قلاص ) وأنتوا برغبتكم اتزيدون أو تنقصون حسب ذوقكم




زنجبيـــل = تقريبا كبر نص صبع الابهام>> شو رايكم في الوصف الدقيق
عسل طبيعي = ملعقة طعــــام
ليمــــــون = قطرتين أو تقريبا نص ملعقة طعــــام
مـــــاي = كــــوب ( أو قلاص )

الطريقة ما شي أسهل عنها
تبشرين الزنجبيل واتكونين مجهـــزة من قبل الماي المغلي واتحطينه فوق الزنجبيل
اضيفين له العسل والليمـــون وترااااااااااااا مشــــروبنا جاهز للشرب
بس ملحوظة: الحامل تبتعد عن الزنجبيل لأنه حــار ومب زين لهـــا






من زاوية ثــانية




************************************************** *********************************


العصيــــر الثاني البـــرتقال ويا ماي الورد
طبعا البرتقال مفيد بعد لحـــالات البرد والزجام وشرب كوب يوميا من عصيره
بيزيد مناعة الجسم وخاصة إنه وياه العسل وماي الورد





المقـــادير لكل قــــلاص

بـــرتقـــال = ثلاث حبــــات
ماي الورد = تقـــريبا ملعقتين طعـــام
عسل = تقريبا ملعقة طعام ( اختيـــاري )

الطريقة بعد ما شي أسهل عنهــا
اعصري البرتقـــــال وضيفي لهـ ماي الورد والعسل ووواستمتعي بأحلى عصير










وهذه كانت عصــايرنا الاكسبرس واللي أتمنـــى اتجربونها واتخلونها روتين يومي لكم^^
دمتم فحفظ الرحمــــــان

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكووووووووووووورة حبي ع المجهود و ف ميزان حسناتج

__________________________________________________ __________

>>>> الرد الثاني :
تسلمين و يعطيك الف الف عافية اختي

__________________________________________________ __________

>>>> الرد الثالث :
تسلمين على هالعصاير يعطيج العافية

__________________________________________________ __________

>>>> الرد الرابع :
تسلميييين احب عصيرالبرتقال وااايد بس ما قد جربته مع الماي ورد بجربه ان شاء الله

__________________________________________________ __________

>>>> الرد الخامس :
عيبتني طريقة ـإالـ ( برتقـآال + مـآاي ورد وعسل ) بيربهـآا ـإان شـآاء الله ..
ـأابدعتي غنـآاتي فـ ـإالطرح ^^
لـآاهنتي .. ))