عنوان الموضوع : Corn Dogs @ من مطبخي من مطبخ الامارات
مقدم من طرف منتديات الضمير العربي

السلام عليكم ورحمه الله وبركاته

صار لي ابا اجرب هالطـريقه ,, بس كل يوم اقول بكره واللي بعدوو لان مشاغل الحياه ما تخلص فقررت اسوي حق عيال اخويه هالوصفه ,,

بصراحه استانسوا عليها وايد حتى ما لحقت اسويلهم الكاتشب والخردل عليها ,, لان شكلها كان لا يقاوم ,,


الكباب دوغز / هو عبارة عن هوت دوغ مشكوك بأسياخ خشبية و مغمس في خلطة من عجينة سايلة، و مقلي في زيت غزير... الحلو فيه إنكم لما تاكلونه تحسون إنكم تاكلونه مع خبزته! يعني ما في داعي تحطونه بسندويج ..


نشوف المقادير اللي بنحتاجها :

دوغز مني او الحجم المتوسط ونقطعه نص .


شكيتهم باسياخ خشـبيه ونتاكد ان الدوغز مب مثلج وانه بحراره الغرفه عشان لما نقليه يستوي من الداخل ..



للخليط اللي بنغمس فيه بنحتاج:


كوب طحين عادي
كوب دقيق الذرة أو طحين الحمص
ملعقة كبيرة بيكنج باودر
ملعقة صغيرة ملح
فلفل أسود
و النكهات إختيارية (بودرة الثوم - أوريغانو - باربريكا - فلفل حار)
1/2 1 كوب حليب طازج



خلطاتها مع الحليب ,,



حميت الزيت ,, وغمست الدوغز بالخليط وعلى طول بالزيت ,,

يفضل عزيزاتي جدر صغير ,, بس انا ما عندي جدر صغير استخدمت المقلاه ..




اهني بعد ما جهز كامل ,,



حطيته في طبق التقديم ,, بس ما لحقت اسوي عليه الكاتشب ولا الخردل ,, اليهال كانوا يوعانين ,, بالعافيه جكجكت هالصوره



عزيزاتي : ديروا بالكم ع الصغار من الاسياخ ,,

وطبعا كلن وله حريه اختيار ,, النكهه ,, والتزين ,,

الشغله سريعه وراح تحبونها ويحبونهم يهالكم ,,

اتمنى ان الوصفه تعجبكم ,, ولا تنسوني من صالح دعائكم

اختكم تريزور

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
واو واو

دومج مبدعه وانا اشهد 

اقدر استبدل الهوت دوغ بدياي لأني ما احب الهوت دوغ
بس شكله لذيذ وعيبتني الطريقة ،، 

يعطيج العافيه وهني وعافيه عليهم ~

__________________________________________________ __________

>>>> الرد الثاني :

المشاركة الأصلية كتبت بواسطة $asamy$
واو واو

دومج مبدعه وانا اشهد 

اقدر استبدل الهوت دوغ بدياي لأني ما احب الهوت دوغ
بس شكله لذيذ وعيبتني الطريقة ،، 

يعطيج العافيه وهني وعافيه عليهم ~




منوره الحته واللهيييي

اي الغاليه تقدرين تستبدلين الهوت دوج

وعوافي عليج يارب

__________________________________________________ __________

>>>> الرد الثالث :
ييييمممممممي تسلمين

__________________________________________________ __________

>>>> الرد الرابع :

المشاركة الأصلية كتبت بواسطة ملح و سكر
ييييمممممممي تسلمين



تسلمين اختي على المروور

__________________________________________________ __________

>>>> الرد الخامس :
يعيبني الهوت دوغ

أحس طعمه صدق لذييذ ^^


مشكوره على مشاركتنا لهالوصفه حبوبه