عنوان الموضوع : (((الله يخليكم انتبهوا من هذي الفانيلا))) السلطات و المقبلات
مقدم من طرف منتديات الضمير العربي

خواتي السلام عليكم

قبل يومين سرت اللولو سوبرماركت الي في الوحدة مول في بوظبي عشان اتشرى لوازم الحلويات وهناك طار عقلي يوم شفت نوع من انواع الفانيلا السائلة بنكهة الكحووووووووووووووووول تخيلوا محطوطة ويا الفانيلا العادية ولونها بعد نفس اللون تقريبا ومب حاطين أي تحذير للمسلمين مساكين والناس تتشرى ولا هي دارية
أنا ترى ما سكت وزكرت واحد يشتغل هناك وبهذلته والي خلاني ابهذله انه حضرته اعترف انها بنكهة الكحول بس اتم نكهة تخيلوا رده وبكل برود عشان كذا انا سويت معاه الواجب وقلت له اذا ما شلها من الرفوف بخبر البلدية عنهم وان شاء الله يكونون شلوها بس احتياطا قلت اخبركم عشان انتوا بعد اذا شفتوها لا تسكتون
خواتي احنا محرمة علينا الخمر وهم يبون والعياذ بالله نذوقها ونذوقها عيالنا في رمضان فانتبهوا

مكتوب على الغرشة بالإنجليزي بس كلمة RUM ومعناها اقوى انواع الخمور

اللهم هل بلغت اللهم اشهد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تسلمين الغاليه على التنبيه

وفي ميزان حسناتج ان شاء الله

__________________________________________________ __________

>>>> الرد الثاني :
Thanx huni

__________________________________________________ __________

>>>> الرد الثالث :
مااقصرتي واجديتي فييهـ عنبووه ف دارنا ويحطوون كحوول استغفر اللهـ..

مشكووره ع الخبر وتسلمييييييييين ختيهـ ..

__________________________________________________ __________

>>>> الرد الرابع :
جزاك الله خيرا.. وجعله الله في ميزان حسناتك

__________________________________________________ __________

>>>> الرد الخامس :
بارك الله فيكن خواتي على كل ردودكن والله يعينا على طاعته

خواتي انا اليوم سرت اللولو مرة ثانية عشان اتأكد انهم شلوها نهائيا من الأرفف والحمدلله ما حصلتها

شكل الهندي خاف بس حرصوا انتوا بعد يوم بتسيرون تاخذون اغراضكم

ونلتقي دوم على خير