عنوان الموضوع : عمل خيري للجميع ان شاء الله طبخ الامارات
مقدم من طرف منتديات الضمير العربي



السلام عليكم ورحمة الله وبركاته



منو بتسوي مثلي وان شاء الله تاخذ الاجر


شو عدال بيتكم ؟؟ دكان ؟؟ جمعيه مركز شرطه مركز مطافي مداااااارس حكوووميه ..
اذا كان عدال بيتكم نفس هالأشياااء فهناك ناس يداومون فيها حتى المدارس فيها حراس


شرايج عزيزتي ... تروحين الجمعيه وتشترين لهم ماي .. وقرشة فيمتو تمر لبن وتستمرين جذا كل اسبوع في رمضان واطرشين لهم الفطور والسحور ويدعون لج ..في الخفاء ما اجمل هذا الشعور عزيزتي



فكره اخرى :


اشتري كرتونين ماي + علبتين من توزيعات رمضانيه هذيلا شرات الاوراق+ علبة كلينكس .. وحطيهم في المسيد .. ويوم اتحطينهم ادعي ربج ان تاخذين الاجر من كل شخص مد ايده على الماي او كلينكس او الاوراق ....


فكره :

انتي مدرسة او موظفة في احد شركات .. خذي لج توزيعات حطيها على طاولتج او عند مدخل المدرسة او وزعيها على طوووووووول


ترا الواحد في هدينا يحب الاجر دوووووووووم ولج تحياتي ..


اللي بتسوي مثلي تسجل اسمها في ردها ابا اشوف منو بتشاركني (( بس صدق وامانه ))

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
السموحه خواتي اابا حد نقل موضوعي الى قسم رمضان بالغلط حطيته والله العظيم واللي بتنقل لي الموضوع الله يجزيها الخير .

__________________________________________________ __________

>>>> الرد الثاني :
أن شاء اللهـ بخبر هالفكرة أهلي

واللهـ يوفقجـ

__________________________________________________ __________

>>>> الرد الثالث :
الله يجزج الف خير ع هالفكره الحلوه...
واله يجعل هالعمل في ميزان حسناتج..
والله يعينا ع فعل الخير...
نحن عدالنا مسيد وان شاء الله مانقصر ويااااااااه

__________________________________________________ __________

>>>> الرد الرابع :
فكرة حلوة،،
يزاج الله خير،
وان شاء الله بنطبقها..

__________________________________________________ __________

>>>> الرد الخامس :
الله يجزيج الف خير ع هالفكره الحلوه...
واله يجعل هالعمل في ميزان حسناتج..
والله يعينا ع فعل الخير...
نحن عدالنا مسيد وكل سنه من يوم احنا صغار واحنا نفطرهم حتى الوالد الله يطول في عمره ما يطيع يفطر ويانا يقول يمكن ايون ناس غرب ومحد بيحط لهم الاكل وبعد الصلاه يروحون اخواني ويصبون الشاي والقهوه للموجودين
الله يعوده علينا بالخير ان شاءالله