عنوان الموضوع : دخيلكم شو مقادير هالأكلة .. شهور وانا ادور من مطبخ الامارات
مقدم من طرف منتديات الضمير العربي



Uploaded with ImageShack.us

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هذا اسمه خمير باليمن كذا يسمونه انا اطبخه كالتالي

( دقيق - ماء - خميرة - معلقه بكينج بودر - سكر وهيل مطحون - ) اعجنيهم وهكذا يكون قوام العجينه يعني متماسكة

[IMG]https://mama*****.com/up/images/QzpB3.jpg[/IMG]
وبعدين خليها ساعه او ساعتين ترتاح بعدها افردي وقطعي مربعات وحطيهم على زيت حار

__________________________________________________ __________

>>>> الرد الثاني :
بس شو المقادير بالضبط يعني كم كوب وكم ملعقة ،، والرابط مايفتح

__________________________________________________ __________

>>>> الرد الثالث :
هال الأكله اسمها مهامري من كينيا أمي دووم تسويها فالج طيب بيبلج المقادير بالضبط

__________________________________________________ __________

>>>> الرد الرابع :
حبيبتي هذا الخبز اسمه المندازي وبتحصلينه في قوقل ومرة سوته خلود في برنامج سراريد خلود وانا دوم اسوية طعمة لذيذ مع شاي الكرك

__________________________________________________ __________

>>>> الرد الخامس :
هذي المقادير أختي

القياس بنفس الكوب
6 أكواب طحين
كوب سكر
اختياري 3 ملاعق ط جوز الهند بودره ( للنكهه ويخلي ريحته حلوه)
3 ملاعق ط حليب بودره
ملعقه صغيره هيل مطحون
ملعقتين ط خميره
ملعقتين ط سمن ذايب

ألطريقه
تخلط الإشياء إلجافه بعدين يضاف السمن ويعجن ويضاف ماء دافي للعجن تعجن لمدة تقريبا ربع ساعه لين تكون عندج عجينه متماسكة ولينه تقسم الي كور متوسطه وتترك لتتخمر تأخذ تقريبا ساعه وشو فيها إذا انتفخت خلاص بعد ماتتخمر تفرد الكور وتقطع اللي اربع أجزاء مثلثه في زيت غزير اول ماينحط فالزيت ويطلع ع السطح لاتقلبينه تمي رشي عالويه زيت شوي شوي هألطريقه عشان ينتفخ ويكون حلو شكله بعد ماترشين عالويه زيت وانتفخ شوفي من الصوب الثاني إذا استوا اقلبيه عادي وطلعيه من يستوي من الصوبين

هذي طريقة الوالده الله يحفظها ومضبوطة جربيها فديتج وخبرني النتيجة أتمنى أكون فدتج أختي والشرح واضح اول مره اشرح وإذا في شئ مب واضح أنا حاضره الغاليه ^^