عنوان الموضوع : تحذير من بعض المطاعم في بوظبي
مقدم من طرف منتديات الضمير العربي

انا لي سوالف وايد في المطاعم و بعد تراني ما ارتد عن الاكل برا على سبيل التغييرلقيت سلطة بالديدان في مطعم حاتم في مارينا مول قلت له ماطلبت سلطة بالديدان قال لي شو ديدان تقصدين الحية و لما شاف الصحن يرغش من الديدان اعتذر و اعترف لي انهم ما يغسلون الخضار بس يحطونهن في سطل و يرشونهم بالماي ...وع

الرمال فوق ماركس سبنسر طلبت سيزر سلاط و توقعت النقط السوداء اعشاب راشين السلطة فيها و اكتشفت انها الحشرات اللي موجودة في الخس مش مغسولة وانا اكلت نص السلطة ويوم خبرته وشاف و عديتهم جدامه علشان احرجه فوق الثلاثين حشرة وقال انه بيبلغ شركة سبينس مسؤولة

في الكوفي شوب اللي اموت فيه انا و المدرسات دايما نتريق فيه لابريوش بعد ما طلبت الكيكة و الكرواسون شفت فار يمشي على الكيك و الكرواسون لاعت جبدي لبس الريال كيس في ايده و حاول يمسك الفار و تشاردنا من الكوفي و بلغت الرقابة الغذائية و ما سووا له شي

صديقتي راحت له و لقت صرصور صغير في الشوربة ومن يومها ما طحناه :1 (37):

وتسممت من راعي البيتزا الايطالية في المارينا و من سلطة بيتزا هت تنومت في المستشفى

وسلامتكم
واللي شافت اي شي على اي مطعم امانه تنبهنا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كل المطاعم مايغسلون الخضار

وخاصة يوم يسوون التبوله ابد مايغسلون البقدونس علشان التقطيع يكون اسهل

__________________________________________________ __________

>>>> الرد الثاني :
وععععع فضل عنهم ...

شو هالوصخ و وين عنهم الرقابة ؟؟؟؟؟؟؟

__________________________________________________ __________

>>>> الرد الثالث :
كريستال بلازا اللي في الشارجه..تحت في كوفي شوب والله ماذكر اسمه..

من فترة سرت شفت الحشرات تطير على الكرواسان والكيك .. !!!!!!!!!!!!! وااااااااع المنظر كاان يلوع بالجبد

قلت للفلبينيه كانت حذالي واقفه شو هذاااا؟؟ يلست تضحك تستهبل اونه ما في شىء..

جبدي لاعت وظهرت من المكان ومستحيل اسير له مرة ثانيه..

__________________________________________________ __________

>>>> الرد الرابع :
وانا يا جماعه في ارض الماكولات حصلت شعر في الصالونه

__________________________________________________ __________

>>>> الرد الخامس :
وعععع..واحنا مطيحين عند حاتم