عنوان الموضوع : شوفوا شو صارلي بعد التقشير ) : طبخ الامارات
مقدم من طرف منتديات الضمير العربي



السلام عليكم

خلوني أخبركم معاناتي والله أنا أقولها وفيه صيحه من الخاطر


أخواتي قبل العيد قلت بسوي تقشير وانا على فكره مش أول مره من سنه سويت
وقلت كل سنه راح اسوي

المهم ... سويت retain A مع كريم مبيض لونه بني غامج

سويته من قبل وكانت الفرق رووووووعه والله كلن يشهد على بياضي وصاء بشرتي

وها المره يوم سويته اتخيلو شو صار

صارت بقع بيظه عند خدي واااااظحه

راجعت الدكتوره لقيت دكتورتي مأجزه ( على حظي )

والدكتوره الثانيه قالت وقفي الدوا بس ما ارتحت لها

لانها ما كانت فاهمه شي هي تسأل وفي ملفي كلشي موجود !!!


شسوي ؟؟؟؟؟ واحينه قرب العيد

ادعولي بالشفاء احس شكله تشوه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يكون في عونج ..

انا اتعامل مع د.تينا اللي في عيادة عمريتا .. روحي عندها .. وايد زينه ..

__________________________________________________ __________

>>>> الرد الثاني :
لاتحاتين اثاره بسرعه بتروح انا مره كنت مسافره واستخدمت مشقر للويه والله ويهي استوى ازرق كله كدمات تميت اصيح اقول خلاص تشوهت طبعا انا فاتحه وبعدين حسيت عمري هبله كله راح يعني يباله فتره بس الرتن اي خطير اذا كنتي من بوظبي سيري مستشفى الريف دكتوره صبحيه اصراحه احسها قمه قمه اول كانت في النور عقب حولت على الريف وهذا مستشفى راقي يديد

__________________________________________________ __________

>>>> الرد الثالث :
الله يعطيكن العافيه ع المشاركه

بتريا ها الاسبوع وعقب براجع

__________________________________________________ __________

>>>> الرد الرابع :
الله يكون في عونج ..

__________________________________________________ __________

>>>> الرد الخامس :
الله يعينج يا ختيه ... كله كووم والويه كووم ..
اختيه نفسج صارلها هشي وهي يمكن مقشره حوالي خمس او ست مرات ..وكل اللي شاف ويها ..يقولها واايد صافي ويتمون يطالعونها ساعه ..لين اخر مره احترق ..ووقفت التقشير ..وقامت من يحرقها تحط عليه ثلج ورد طبيعي الحمد لله في اقل عن اسبوعين ..(اقرن على عماركن ياخواتي .العين حق) الله يكون في عونج