عنوان الموضوع : عندي مشكلة ممكن تساعدوني من مطبخ الامارات
مقدم من طرف منتديات الضمير العربي
بنتي عمرها 10 شهور انزين وما تحب تاكل ولا تشرب الحليب على فكرة انا اداوم عنها من الساعة 8 لين العصر شو اسوي شو الأكل اللي يمكن يعيبها وانا وايد احاول عندها بس تاكل اشياء بسيطة مثل الروب والتفاح والبرتقال تعرفون حتى وزنها مازاد من شهرين بليزززز ساعدوني إذا اي وحدة عندها وصفة اتمنى انها ترسلها لي ومشكورين:22 (12):
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
المشاركة الأصلية كتبت بواسطة alainflower
بنتي عمرها 10 شهور انزين وما تحب تاكل ولا تشرب الحليب على فكرة انا اداوم عنها من الساعة 8 لين العصر شو اسوي شو الأكل اللي يمكن يعيبها وانا وايد احاول عندها بس تاكل اشياء بسيطة مثل الروب والتفاح والبرتقال تعرفون حتى وزنها مازاد من شهرين بليزززز ساعدوني إذا اي وحدة عندها وصفة اتمنى انها ترسلها لي ومشكورين:22 (12):
اختي حاولي انج تعوضينها بالكريم كراميل لاننا نسويه بالحليب
وسويلها عصير بالحليب ...او انج اضيفين شوية حليب مع كل رضاعه تشربها
عصير وشوية حليب ....وعطيها الكورن فلكس بالحليب.....و كثري من الزبادي
يعني عطيها البديل .....هذي حيلي انا ويا بنتي عمرها 3 سنوات ما تحب الحليب
عودتها عالزبادي والكورن فلكس احسن من بلااش
هااتي حلبة مطحووونه اخلطيها ويا عسل حر طبيعي .....وعطيها عالريج
سكري خشمها وحطي فحلجها لي ما تبلعه وعطيها عقبه شوية مااي
انا ولدي اغصبه عليها ...واايد مفيده وتفتح الشهيه وتصفي الدم اقري عنها وتشوفين
وفي الليل اسلق الثووم بعدين الينها ويا شوية زيت زيتون وعسل طبيعي واضربها
في الخلاط مع الحليب واعطيه يشرب .....تذوب البلغم وتسوي له اسهال ينزل ويااه
كل الخبث الي فبطنه واذا ما تشرب الحليب اخلطيها مع العيش وهي تتغذى المهم دخليها ويا اي شي
تاكله ......وفوري اكليل الجبل والبابونج هاتيهم من عند العطار ......حليهم بالعسل وعطيها
تشربهم ويا العصير فمرضعه ......واايد مفيد
امي ما شاء الله ربي يطول فعمرها ما تقصر دووم تسوي لهم من هالاشياء وانا تعلمت منها
جربي الي يناسبج وان شاء الله خير ...وانتظري تجارب باقي الاخوات
__________________________________________________ __________
>>>> الرد الثاني :
مشكورة الغالية انشاالله بجرب وصفاتج انا مااعرف هالسوالف لأن هذي اول بنوتة وتدلع علينا
ما قصرتي فديتج والله يعطيج الصحة والعافية انتي وعيالج واهلج ويخليج لهم
انا وايد مستانسة لانج رديتي عالموضوع مشكورة واييييييييييييييييييييييييد :22 (22):
__________________________________________________ __________
>>>> الرد الثالث :
سويلها كوكتيل وحطي وياه سيريلاك بيطلع طعمه ايجنن .. وخليها تاكل بسكوت الأطفال والأحسن فارليز لأنه فيه فوايد كثيرة .. وعطيها جبنه مع البيض .. والكورن فلكس ولدي ما يحبه ويا الحليب فأضطر أحيانا أحطه ويا الجاهي .. وعندج البلاليط بالحليب وايد حلو .. وعلى الغدى سويلها عيش بالقشطه ..الشعيريه بالحليب رهيبه
بس هذا اللي يحضرني حاليا...
وان شاء الله بترد صحتها ..... بالهنا والشفا ( الشيف بوليانا ) هههه أمزح
__________________________________________________ __________
>>>> الرد الرابع :
سويلها كوكتيل وحطي وياه سيريلاك بيطلع طعمه ايجنن .. وخليها تاكل بسكوت الأطفال والأحسن فارليز لأنه فيه فوايد كثيرة .. وعطيها جبنه مع البيض .. والكورن فلكس ولدي ما يحبه ويا الحليب فأضطر أحيانا أحطه ويا الجاهي .. وعندج البلاليط بالحليب وايد حلو .. وعلى الغدى سويلها عيش بالقشطه ..الشعيريه بالحليب رهيبه
بس هذا اللي يحضرني حاليا...
وان شاء الله بترد صحتها ..... بالهنا والشفا ( الشيف بوليانا ) هههه أمزح
مشكورة يالشيف بوليانا ماقصرتي فديتج والله يعطيج كل خير
__________________________________________________ __________
>>>> الرد الخامس :
علج بالتمر
العسل يفتح النفس
رد مع اقتباس
