عنوان الموضوع : خفقان القلب......... المطبخ الاماراتي
مقدم من طرف منتديات الضمير العربي

خواتي ........... اللي عندها نفس حالتي تخبرني وتطمني إنها طبيعية


في أحيان كثيرة يدق قلبي بسرعة وبقوة لدرجة تتعبني وما أقدر أتم واقفة نصف دقيقة وإذا تحركت لمكان ثاني أحس النفس بينقطع من التعب يعني ما أروم أسوي أي شي

رحت المستشفى وايد ياخذون مني تحاليل للدم عسب يشوفون ضعف الدم وغيره وتطلع النتايج جيدة الحمد لله

وآخر شي قالولي عادي يمكن أنت متعبة نفسج بس الصراحة أنا مو مرتاحة من كلامهم

في وحدة منكم سمعت إن هالحالة طبيعية تصدقون أعد النبض ويوصل 140 في الدقيقة وما يمر شهر إلا استوى لي خفقان في القلب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
جربي يالغاليه المسشفيات الخاصه ...

وانتي جوفي من شو يستوي لج هالشي من الريجيم ومن الحركه الزايدة ولا العصبيه ..في وايد اسباب

بس كلها عاديه ماعدا العصبيه او اليوع ساعات يأثر وقلت النوم ..

__________________________________________________ __________

>>>> الرد الثاني :
الغاليه أنا أحيانا يستويلي جي فجأه يدق قلبي وبسرعه وأحس نفسي بينقطع بس مارحت المستشفى وسألت ربيعتي تدرس طب قالت عادي...

__________________________________________________ __________

>>>> الرد الثالث :
انا بعد مثلج بس شنسوي غير الله يرح بالنا

__________________________________________________ __________

>>>> الرد الرابع :
جوري وعناب

أنا ما أسوي رجيم الوزن عندي طبيعي ......... وما اعصب ونفسيتي تمام الحمد لله
ومشكورة الغالية


فن وأبتكار....... ~شما~

الله يسلمكم ويعافيكم
الحمد لله يوم حد مثلي الحين أنا حسيت إنه عادي

__________________________________________________ __________

>>>> الرد الخامس :
هلا الغاليه ...... فالبدايه ماتشوفين شر ان شاءالله ....... والغاليات كلكن ماتشوفن شر ...
يتني فتره ماكنت اقدر اشل شيء عطول نصخي ينقطع وحس بويع في صدري وقلبي ... احيانا مثل الشجات ......... وتميت فتره ودايما كنت اقول فنفسي لا انا صغيرة مافيي شيء اكيييييييد اتخيل ... بس واااااااااايد تعبت ......
المهم رحمت عمري وسرت المستشفى وقالوا بنسويلج تحليل الكوليسترول ... لازم اصوم 14 ساعه قبل التحليل .........
تخيلي سرت سويته وعقب ايام طلعت النتيجه المخيفة ... يقولج الكوليسترول عندي 250 يعني الخطيييييييييييييييييييييير عطول حولوني على دكتوره التغذيه لني ماطعت اخذ ادويه وسويت رجيم ... وانتبهت لاكلي ...... والحمدلله الاسبوع اللي طاف حللت وقالوا الكلسترول نازل وطبيبعي بس لازم اتحذر ...........
مابغيت اروعكم بس لاااااااااااازم تنتبهون لصحتكم ... سيروا المستشفى واطلبوا تحليل كامل ... بس مثل ماذكرت لازم تصومون من 12-14 ساعه ...

وماتشوفون شر ان شاءالله.......