عنوان الموضوع : مساعدة : علاج للربو من مطبخ الامارات
مقدم من طرف منتديات الضمير العربي

مرحبا الغاليات

ابصراحه لولا ثقتي فبكن خواتي ما طرحت هالموضوع وانا كلي امل بانه الي تعرف اي شي

ما تبخل علي

انا ولدي الصغير عمره سنه و 9 شهور..يعاني من الربو ماخذنه وراثه من يدووته ام ابوه

ابصراحه يوم تيله الضيجه يكح كحه جاااااااااافه كانه طبل يعور قلبي والله.....ويمسكه البلغم

وصدره يطلع ما ينزل .........اوديه المستشفى الدكتور يعطيه الدوا ويوصفله البخاخ 3 مرات يوميا

داايم تفك عنه شهر او شهرين وترجع له الحاله مرة ثانيه.........واخر شهرين تكررت معااه على فترات

وايد قصيرة ........من فترة وديته عياده خاصه ابصراحه تحسنت حالته واشتريت له جهاز النبيلايزر

حق البيت ..........لكني ماستمريت معااهم للاسف :1 (9):

الي بغيته منكن ان كل وحده اذا تعرف خلطه شعبيه او عنده نفس حالة ولدي وجربت شي ونفع معاها

تخبرني .لان ابصراحه سمعت اشياء كثييرة بس ما جربت لاني خفت ........

اي وحده متاكده من تقوله لي والي تقدر تسال يدتها او امها الله يخليهن لها وتقولي شسوي

والله تعبت و عدت استحمل اشووفه جذي :1 (9):

يا ليت الي تقدر تفيدني ............انطركن خوااتي :22 (22):

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا ام مهاري ... هذي الحاله عندنا في العايله بس ولدي فيه حساسيه مب ربوا وعيال عمه فيهم ربوا واللي اعرفه ان مرت عمه المقربه لي جربت لولدها انها تفور قشر الرمان وتشربه اياه وتقول انه وايد فاده وخفف عليه السعله والمشكله عندنا كلنا نستعمل جهاز البخار لعيالنا بس على مانقدر نحاول نستعمل حتى ماي الفوز عشان مايعتاد على الفنتولين ..... وفيه اشياء وايد بس على ما تقدرين ابتعدي انج تغيرين له الجوا وفيه يمكن شيء يتعبه اكثر مثل العطور او الحر او الرمل والغبار

__________________________________________________ __________

>>>> الرد الثاني :
الله يعين حبيبتي ام خلوود والله يعورون القلب يووم تزخهم السعله وتشوفين صدرهم فوق تحت

بجرب له قشر الرمان ان شاء الله............تدرين انا احترت ناس يقولون مب زين يتعود عالبخاخ

ويوم وديته طبيب اختصاصي اطفال قالي غلط هالكلام .......بس هو ما كتبلي عالفنتولين

من يومين متعبنه الجو ........والبارحه وديته الحديقه قعد يلعب فالرمل يمكن هو الي زاد عليه

جزااج الله خير نبهتيني على هالشي ...............والله يشفي جميع المرضى ان شاء الله

__________________________________________________ __________

>>>> الرد الثالث :
الشيخة بعد أنا سامعة انج تشربية السمن البلدي الأصلي خاشوقة بس وبيرجع كل البلغم اللي في صدره وبيرتاح والله يشفيهم كلهم والسموحة

__________________________________________________ __________

>>>> الرد الرابع :
ان شاء الله هذي فتره وبتعدي لان كل مايكبر الياهل تخف عليه
بس انتبهي عليه لان ولد خالي اتعبه بعد حرارة الشمس

__________________________________________________ __________

>>>> الرد الخامس :
بس انتبهي لانه الياهل مب زين يشرق بالزيت لانه يتحول مسراه للريه....