عنوان الموضوع : ممكن اتفيدوني من مطبخي
مقدم من طرف منتديات الضمير العربي

السلام عليكم

اللي تقدر تنفعني وتنصحني

ام ريلي الله يعافيها ويعافيكم فيها روماتيزم وفوق هذا فيها الضغط والكلسترول والسكر والله تغمض كنا مانعين عنها الملح والحين نمنع عنها السكريات
واحس نفسيتها تعبانه لانها ممنوعه من انواع كثيرة من الاكل


بس انا ما عندي خبره شو انسويلها أكل
اللي تقدر اتقولي شو يفيدها
وشو ممكن نعطيها يخفف هاي الامراض علما ان السكر مرتفع عندها والروماتزم

واذا في وصفات شعبية ممكن انسويلها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اول شي اختي تحتجم ففي الحجامة افادة عظيمة لها
خصوصا للروماتيزم والضغط والكلسترول
وتحاول تخفض من الدهون وصدقيني بعد الحجامة بتتحسن وايد وبعدها تخفض من الدهون والملح وربي يعافيها لكم ويحفظها اذا بخصوص وين تحتجم ممكن اساعدك

__________________________________________________ __________

>>>> الرد الثاني :
انا اشوف تودونها برع للعلاج...بصراحه الوالدة عندها نفس المشكلة...ووديناها تايلاند ...المستشفى الامريكي..(بيرمنجارد)..بصراحه رعاية واهتمام ..وفحوصاتهم ماطول ...يومين وتخلصون كل شي....وبعدين بيعطونها ادوية...تناسبها والاكل المناسب الها ....ربي يعافيها ان شاء الله

__________________________________________________ __________

>>>> الرد الثالث :
شوفي طبخولها على البخار اخذي القدر لي فيه مشخله وحطي لي تبينه دجاج او لحم او سمك مع الخضار مثل البطاطا والكوسا الطماط وغيره بهريه وحطي معاه صلصه الطماط وحطيه في القدر وسكري عليه لين يستوي وايد حلو ولذيذ وم فيه دهون انا احط زيت زيتون وكل الدهون بتنزل عنه انا كنت اسويه ووزني ينزل عليه

__________________________________________________ __________

>>>> الرد الرابع :
شكرا حبيباتي على الردود

الصراحة عن الحجامه سوينالها مره وحده بس تعبت علينا بس ما ادري اذا منها ولا

وعن السفر انا نفس الشي اقول انوديها بس للاسف هيه مو راضية مب حابه فكرة برع

__________________________________________________ __________

>>>> الرد الخامس :
اهم شي متابعة الحاله عند طبيب فاهم يعطيها الادويه المناسبه للسكر والضغط و الدهون

وخففوا الدهون بالطبخ وخلوه ملح قليل

انا دوم طبخي بالبيت جذي والله لانه صحي مع اننا حمد لله ماعندنا لا سكر ولاضغط بس نحاتي الدهون

اطبخ دوم بدهون قليله اقل مايمكن والملح قليل

واغلب الطبخ شوي على المكينه سواء سمج او دياي وتفنني بالبهارات والليمون والخل كنكهات

والسالفه صدقيني تعود

وبالنسبه للسكر وايد بدائل بالسوق