خواتي الغاليات
انا عندي مشكله واعاني منها صارلي 6 سنوات تقريبا
ومن فرج عن مسلم كربه من كرب الدنيا فرج الله عنه كربه من كرب يوم القيامه ان شاءالله انا مشكلتي يمكن البعض بالنسبه له عاديه وسخيفه بس والله على قولتهم الي ايده في النار مو نفس اللي ايده فالماي وطبعا محد يحس بالشي الا اللي هو فيه
ومشكلتي ومعاناتي هي من الصدر الصغير بالاحرى اللي شبه معدوم والحمد لله على كل حال والله اني مو معترضه على خلقة ربي بالعكس احمد ربي ليل نهار بس احس انه حرمه بدون صدر والله ياخواتي صعبه وانا كنت بالاول عادي وراضيه بس احس خلاص طفح الكيل واتعقدت وتعبت من الستيانات اللي كلها اسفنج عاد حتى جدام ريلي بعد اسفنج!!! يالله ردوا علي ؟؟؟
والله تعبت وطفرت لكن الحمدلله على كل حال بس مو حلوه خاطري اتدلع والبس لريلي قمصان نوم بدووووووووووووووون ستيانات الاسفنج وحتى البوش اب ماينفع وياي وايد الله كريم يمكن تقولوا اني ابالغ لكن الله يعلم
انا مشكلتي هاي من وانا بنت بس ماكنت احس فيها وايد ويوم ييت اعرس قلت لازم اسوي شي مايستوي الريال شو بيقول حرمه بدون صدر!!! وقمت واستخدمت كريم لتكبير الصدر وشده بس ماذكر شو اسمه ومن وين بالضبط لانه السالف من 6 سنوات تقريبا المهم يوم استخدمته ولا كبر صدري ولا هم يحزنون بس شده يعني زاد الطين بله وشد صدري واختفى وانمسح والله ماابالغ
على قولت بعضهم ماينعرف الصدر من الظهر ههههههه هم يبكي وهم يضحك
وضحكوا علي خواتي وحريم خواني وقالوا ماعليج ان شاءالله عقب العرس بيكبر صدرج ولاشي من اللي قالوه استوى وعقب قالولي يوم بتحملين بيكبر ولا كبر وعقبها قالولي لا عاد عقب ماتربين وترضعين بيكبر اكيد اكيد ومرت الايام والسنين وانا الحين عندي ماشاءالله والله اكبر 4 عيال والله صدري على نفس الحال وما اقول غير الحمد لله والله كريم
بليز خواتي حبيباتي عزيزاتي انا والله طالبه الله ثم انتوا والله ساعدووووووني
انا سمعت عن الجهاز اللي بمنتدانا اللي يكبر ويشد الصدر في احد جرباه منكم او جرب اي شي غيره بس انا اريد شي مضمون ومفعوله اكيد ان شاءالله
بس اخاف اجرب هالجهاز واشتريه عالفاضي ولا يكبر صدري ولا شي الا اخاف ان يمسحه مثل الكريم اللي جربته وانا اصلا شو بخسر لانه اساسا مافي صدر ههههههههه بس اخاف من خسارت الفلوس عالفاضي والكريمات طفرت منها ولا لقيت منها فايده
ادري طولتها وهي قصيره واكيد طفرتوا مني والسموحه منكم مااعرف لمنو افضفض
سااااااااااااااااااااااااااعدوني والله انتوا مو متصورين كم اعاني من هالسالفه
ومشكووووووووورين مقدما اتمنى منكم بعد كل هذا انكم ما تردوني ولا تخذلوني
رد مع اقتباس
