عنوان الموضوع : ارتجاع المريء منو تعالجت منه؟؟ من مطبخ الامارات
مقدم من طرف منتديات الضمير العربي

السلام عليكم


بدخل بالموضوع على طول



انا عندي اترتجاع بالمريء.. وهالشي مسبب لي ضيق بالتنفس .. واعراض كثيرة .. بغيت دكتور باطني شاطر في الشارجة او دبي ..
انا اتعالج عند الدكتور اسعد الدجاني بس هو الحين مسافر وبيرجع بعد 10 ايام وانا حالتي ما تتحمل اتريا اكثر ..

اتصلت بعيادة الدكتور عدنان بو حمور بس محد رد علي

عيادة الدكتور محمد النونو سرت له من قبل وماعرف يشخص حالتي

ابي دكتور شاطر ..يمكن يسوون لي منظار المعدة .. ومابي مواعيد بعيدة لان الاعراض يوم بعد تزيد

وخبروني منظار المعدة يخوف ولا عادي وكم ساعة يستغرق ؟؟

واللي كانت تعاني من ارتجاع المريء كم المدة اللي تشافت منه .. انا الحين كملت 9 ايام وانا اخذ دوا اسمه رايسك 40 ملغم.. الدكتور خبرني من قبل ان العلاج بيطول ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ربي يعافيج الغلا

__________________________________________________ __________

>>>> الرد الثاني :
انا كان عندي ارتجاع والحين االحمد لله خاز
اسباب الارتجاع كنت دايما اتغدا و ارقد و انش الاكل احسه واقف ف مسرطي و تستويلي لوعه
و رحت للدكتور و عطاني حبه اكلها قبل الاكل و قالي مول لاتاكلين دهون ابا هالفتره او اي شي دسم و ثجيل و اكلي اكل صحي والله 5 ما ادري 6 و الحمد لله خف و الحين بين فتره و فتره يستوي جي سيده اخفف ف الاكل و يخوز عني و اشرب ماي زيادة .

__________________________________________________ __________

>>>> الرد الثالث :
و مول لا تاكلين سي حامض

__________________________________________________ __________

>>>> الرد الرابع :

المشاركة الأصلية كتبت بواسطة $asamy$
انا كان عندي ارتجاع والحين االحمد لله خاز
اسباب الارتجاع كنت دايما اتغدا و ارقد و انش الاكل احسه واقف ف مسرطي و تستويلي لوعه
و رحت للدكتور و عطاني حبه اكلها قبل الاكل و قالي مول لاتاكلين دهون ابا هالفتره او اي شي دسم و ثجيل و اكلي اكل صحي والله 5 ما ادري 6 و الحمد لله خف و الحين بين فتره و فتره يستوي جي سيده اخفف ف الاكل و يخوز عني و اشرب ماي زيادة .



لا انا ما اكل وارقد وما اثجل بالاكل وما اكل دهون نهائيا لاني ماعندي مرارة.... بس الحامض وايد احبه بس هالفترة اكلي كله مسلوق ومن غير بهارات واخذ دوا بس بعده ما خاز عني

__________________________________________________ __________

>>>> الرد الخامس :
حاولي يوم تقعدين تكون قعدتج سيدة مب شبه متسدحة

والاكللات الي تاكلينهم احسن يكونن Thick شوي

و الادوية يمكن يعطونج ادوية تكثف محتوى المعدة وتخليه غليظ عسب ما يسهل انه ي يرجع فوق
و ادوية مثل Domperidone

ع العموم لازم يسوولج منظار معدة ولا تخافين ما يخوف انشالله و لا يطول

واذا عاد كل شي ما فاد بيسوولج جراحة ولا تخافين منها دكتورج بيشرحلج كل شي

اما عن الدكاترة ما عندي اي فكرة انا مب من صوبكم و بالشفاء يا رب