عنوان الموضوع : أبشركم أخيراًعلاج الأكزيما بالأعشاب بدون الكورتيزون لمائدة رمضان
مقدم من طرف منتديات الضمير العربي
أخيرا بعد سنين من إصابة بنتي بالأكزيما كان عمرها تقريبا 3 سنوات لين الحين صار عمرها 7 سنوات وهي تتعالج بالكريمات الطبية والوصفات والخلطات وأكتشفت علاج كان جدامي طول هالسنين وأنا مطنشة من عند العطار في الخالدية، مرة كنت سايره عنده عشان اشتري حنة للشعر وسألته إذا عنده أي علاج للأكزيما، شفت عنده علبة صغيرة فيها كريم بالاعشاب مثل ما قال وسعرها 100 درهم بصراحة ما اقتنعت وطنشت السالفة وبعد كم سنة بعد ما تعبت من كثر ماجربت أكثر من دكتور مختص بالجلدية والكريمات ، استوت البقع غامجة في جسم بنتي وكبرت وزادت الحكة وما شي فايدة من أي علاج، توكلت على الله وقررت أجرب كريم العطار واستخدمت الكريم ثلاث مرات في اليوم وما شاء الله تبارك الرحمن النتيجة بانت من ثاني يوم ، أول يوم كانت تحس بالحكة زادت لكن ثاني يوم الاحمرار خف وخفت الحكة وثالث يوم البقع بدت تختفي تدريجيا والحين بعد اسبوع تقريبا ما شاء الله والحمد لله البقع الحمرة كلها راحت مع الحكة باقي بس البقع الغامجة بدت تختفي شوي شوي وبستمر مع الكريم لين ما تنتهي الاكزيما نهائيا. ان شاء الله.
بغيت أخبركم عشان تستفيدون وتدعون لعيالي بالصحة والعافية ان شاء الله.
اي استفسار عالخاص وللعلم أنا ما أبيع الكريم بس بخبركم عن اسم المحل والعنوان
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
يمكن قصدج عطار ابن سينا أو سواري إلي بالخالدية؟
إذا هو خبريني الله يرضى عليج الاكزيما كلت جسمي ولدي
__________________________________________________ __________
>>>> الرد الثالث :
يزاج الله خير الغالية مناي 1973
لكن بغيت اعرف الخالدية في اي امارة؟؟
__________________________________________________ __________
>>>> الرد الرابع :
الله يززق عيالللج الصحه ان شاء الله
اختي ريما الخالديه في ابوظبي
__________________________________________________ __________
>>>> الرد الخامس :
المشاركة الأصلية كتبت بواسطة _ريما_
يزاج الله خير الغالية مناي 1973
لكن بغيت اعرف الخالدية في اي امارة؟؟
الخالدية في بوظبي والمحل اسم السواري للعسل والأعشاب والزيوت الطبيعية (تسألين عن كريم لعلاج الأكزيما) وسعره 100 درهم
رد مع اقتباس
