عنوان الموضوع : حد عنده حد فيه " الديسك" بسم الله عالجميع لمائدة رمضان
مقدم من طرف منتديات الضمير العربي

اخوي مسكين عمره 23 توه متصل بي منهار يقولي طلع فيني الديسك و متروع من العمليه و كلام الدكتور

اللي عندها فكره عن هالموضوع او علاجه او دكتور شاطر يعرف لهالمواضيع تخبرني بلييييييييز

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
الله يشافيه ويعافيه لكن لا تخلونه ابد يسوي عملية خليه ويا العلاج الطبيعي احسن شي وبيروح باذن الله يارب ان تشافي كل مريض

__________________________________________________ __________

>>>> الرد الثالث :
امي فيها من سنين يعني اكثر من 8او 10 سنين ديسك الظهر
وفالبدايات كانوا يقولون بالعلاج الطبيعي والراحة بيروووح
بس مايخصه ماراح...واستمر وياها طول هالسنين لدرجة تآكلت عندها الغضاريف السفلية والعلوية وتم منه كم واحد صاحي فالنص
وكل حد يقول عمليتج صعبة بعد مرور هالسنين
وتمت على هالحال
ومن 7شهور كان في الحاح من الأطبا انها اتسوي العملية اجباري لأن العظام صايرة قريبة من الحبل الشوكي واذا يا عليه,,بينقص وبتموت
خفنا عليها ووافقت,,,
وديناها مستشفى خليفة((عيمان)) كان ياي دكتور زائر من برا وسوا لها العملية وماشاءالله كان مسوي حق وايد نااااااااااس
والحمدلله صحتها بدت تتحسن شوي شوي ومرت عالعملية5شهور ركبولها غضاريف صناعية ومسامير والحينه تاخذ جلسات علاج طبيعي


...

اذا اخوج في بداياته,,يعالج نفسه اهني او تايلند ولا انه يتريا ويصبر
والله يشافيه ويشفي الجميع وامي يارب

__________________________________________________ __________

>>>> الرد الرابع :
الله يعافيه ويشفيه اختي انا فيني الديسك من 4 سنوات عانيت وايد ما اقدر اوصفلج بس العمليه لا افضل دكتور نصحني قالي العمليه مايسويها الواحد الا اذا وصلت حالته انه على كرسي بسم الله عليناغير جذه لا اتحملي وحده اعرفها سوتها عن افضل دكتور فالمانيا وردت عافان الله على كرسي متحرك شوفي بعطيج نصايح خله يراجع مركز كي كي تي للعمود الفقري في بوظبي او الشارجه وا1ذا يقدر يسير المانيا في معالج يدوي يشفي من الديسك فجلستين او ثلاث طبيعي من غير عمليات باللمس وخليه يرتاح راحه تامه الجري النط الكره الشل اكثر من ثلاثه كيلو ممنوع حتى ما يوخي يرقد على سرير طبي يحاسب على نفسه وايد مايشل ولا يسوق خط طويل واذا اضطر يريح ويمشي كل نص ساعه هاي نصايح الطبيب لي بعد ياخذ ب كوملبيت هذا فتامين يقوي الاعصاب ويخفف الالم ويتفرك بزيت الزيتون الدافي المقراي فيه ويشرب حليب نوق يقوي الظهر والحبه الحمرا والحلبه والملوخيه الموز والاناناس والبابايا والهريس والشوفان والباميا والتمر خاصه العجوه والبرني وسمعت انه الحجامه تخفف بس عند حد معروف وشاطر وفيه الدكتور زكريا الشيشاني فبوظبي يعالج بدون ادويه ولا عمليات طبيعي ووايد ناس شفو على ايده هذا كل اللي اعرفه وادعيلي الله يشفيني عاد

__________________________________________________ __________

>>>> الرد الخامس :
حبيبتي انا اخصائيه علاج طبيعي واخوك لسا صغير يعني طبيعي لما تكون عنا حاله متله اول شي نطلب منو علاج طبيعي مكثف ازا ما تحسن بنعمل عمليه لانو دسك خطرا عملياتو وان شا الله ما يحتاج خلي سجل مركز تاهيل ويشوف ازا ما نفع يعمل عمليه واعتقد اخوك صغير بيستجيب جسمه للعلااج غير الشخص الكبير والله يشفي ويشفي المسلمين جميعاا