عنوان الموضوع : طمنوني الله يطمنكم دنيا واخره طبخ الامارات
مقدم من طرف منتديات الضمير العربي

هلا خواتي شحاالكم
بدش فالموضوع دايركت الصرحه

انا منفتره احس لون البول [ عزكم الله و ريحته اتغيرو عن قبل ]
و احس اعطش زياده حبتين عن قبل يعني .. يعني يوم انا راقده كله اكون عطشاانه وابا اشرب ماي
و طبعا عقبها اروح الحمام [ عزكم الله ] .. > بس ما اسير الحمام كل ساعه يوم انش حق صلاة الفير و الصبح و باقي اليوم عادي تقريبا بس حق الصلوات او زياده شوي
وااايد خاايف اكون فيني السكر لا سمح الله .. كيف بقدر اعرف اذا فيني
لان ما ابا اسير العيااده .. طمنوني الله يخليييكم لان نفسيتي زفت والله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله البنات يفيدونك بس الافضل تروحين دكتور

__________________________________________________ __________

>>>> الرد الثاني :
ماتشوفين شرررررررررررررررر اببببببببببببببببببببببببب ماعندي خلفيه بس ماتوقع السكري لانه السكري عزج الله ف البول يظهر رغوه

__________________________________________________ __________

>>>> الرد الثالث :
حبيبتي احسن انج تسيرين العياده تسوين فحوصات

انا اتوقع ان عندج التهاب في البول (اذا كان بعد عندج حرقان في البول يعني تأكدي انه التهاب في البول)

وعليج بشرب الماي (لازم تشربين ماي وايد)

وحتى لو كنتي وايد تسيرين الحمام بيكون احسن لج عشان الكلى يتنظفن وعشان بعد ما تتأثر المثانة

بس عشان تتأكدين سيري العياده

__________________________________________________ __________

>>>> الرد الرابع :
مشكوورات ع ردودكم ..
اي عياده ممكن اسيرها فالشارجه او عيمان و ياليت اكون المساء
ويعطوني النتايج في نفس اللحظه لو تعرفون لا تبخلون علي بلييز

__________________________________________________ __________

>>>> الرد الخامس :
سبحان الله وبحمده .. سبحا الله العظيم