عنوان الموضوع : "المشــــوي" و"مرضى السكري" ... ؟؟؟ من مطبخ الامارات
مقدم من طرف منتديات الضمير العربي

السلام عليكم والرحمة .. اشحالكن الغاليااات ..

بعض مرضى السكري المنتظمين يحرمون أنفسهم من مشوي العيد فما راح يحسون بطعم العيد وسط أهاليهم ..

والبعض الآخر مطنش وماخذ راااحته فأكل المشوي وطبعآ بضره هالشي وبيتعب وااايد ..

عمومآ شي طريقة إذا اتبعوها مرضى السكري ما راح يأثر عليهم أكل المشوي في العيد بإذن الله تعالى ،،،

اللي هي ...

بعد كل وجبة مشوي سواء كانت في البيت أو طلعة ويا الأهل أو مع الأصدقاء ..

غدا ولا عشا أو تالي الليل ..

بعد الانتهاء من أكل المشوي مباشرة عليهم بشرب ( جلاصين ) من عصير الليمووون الحاامض بالنعناع ويكون باااارد وبحجم المتوسط ..

وإذا كانوا فالبيت يعبون هالجلاصين ماي بااااارد ويعصرون في كل واحد منهن مقدار ( 3 ) حبات من الليمون الطبيعي والحااامض ..

والسؤال اللي يطرح نفسه : " إذا كان هالمريض يعاني من الحمووووضة .. تناسبه هالوصفة ؟ "

والجواب : نعم تناسبه وما بتأثر عليه لأن العصير بكون باااارد ... وبالعكس بتفيد أصحاب الحموضة وبتبرد على فوادهم ..

والسؤال الثاني اللي ممكن يخطر على البال : " إذا كان هالمريض عنده الكوليسترووول مرتفع .. ما يضره المشوي ؟ "

والجواب : إطـــلاقآ .. ما بضرهم أكل المشوي أبدآ إذا تبعــوه مباشرة بعصير الليمون الباااارد ..

بس أهم شي يتبعون الوصفة ويطبقونها بحذافيرها وبالمقادير المذكورة وعادي يزيدون فالمقدار بس ما ينقصونه ..

مع العلم بأن الليمون مفيييد حقهم وااايد ..

ودمتــم سالميين ،،،

" وكل عام وأنتم بخييير .. وعســـاااكم من عــواااده "

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
او شاي اخضر مفيد وحبوب زيت السمك

__________________________________________________ __________

>>>> الرد الثاني :
مشكوره عالمعلومه

__________________________________________________ __________

>>>> الرد الثالث :
مشكوره حببتي ، الحمدلله ما آكل مشوي بس أنا بعد جربت بعد وجبه الغدا بالذات لانه ناكل فيها العيش على طول اشرب فنيان قهوه متروس عاد وقفشه صغيره مسمار (قرنفل)يعني تطلع مال ربع القفشه الصغيره ، وقبل لا آكل اسوي كوب ماي مغلي شريحتين ليمون او 3 قفشه صغيره كمون ونص قفشه زجبيل وربع قفشه جرفه هالوصفه أول شئ مفيده حق الكولسترول العالي لمتبط أكثر شئ بالسكر وثاني شئ حق دهون البطن سمعت ولاحظت تحسن في مستوى السكر الحمدلله ، السموحه طولت عليكم بس حبيت أحط تجربتي في موضوعج

__________________________________________________ __________

>>>> الرد الرابع :
اهم شي اللي فيهم سكري وكولسترول ما يحطون ملح ويا اللحم اثناء الشوي

__________________________________________________ __________

>>>> الرد الخامس :
الله أكبر الله أكبر الله أكبر لا إله إلا الله ، الله أكبر الله أكبر ولله الحمد