عنوان الموضوع : تجربتي في علاج الغده اللهم لك الحمد المطبخ الاماراتي
مقدم من طرف منتديات الضمير العربي
السلام عليكم ورحمة الله وبركاته
مسا الورد حبيباتي كيف الحال
حابه اكتب لكم تجربتي وكيف عالجت نفسي بالقرآن والصدقه
اللهم لك الحمد
قبل فتره طلعت لي مثل ورمه "كتله" في احد في احد مناطق جسمي ومكان حساس شوي
وكنت وايد خايفه واحاتي والورمه كانت تكبر ومستوية مثل كتله وكنت افكر لو بروح الطبيب استحي اكشف هالمكان
كنت اصيح بالليل واحاتي ان هالشي خطير
عقب دورت بالنت واكتشفت ان هذه الكتله سببها التهاب الغدة
وبعد ماقريب تجارب الحريم في النت خفت اكثر
بعضهم مانفع وياهم المضاد وسوو عمليه
ف على طول طرى على بالي حديث الرسول ( داوو مرضاكم بالصدقة )
بس اول شي سويته اني عالجت نفسي بالقرآن
حطيت ايدي مكان الورم وتميت اقرى الفاتحه سبع مرات
وكررت هالشي كم مره في اليوم
ثاني يوم اللهم لك الحمد حصلت فقير وتصدقت عليه بنية الشفاء
وتميت مستمره على قراءة الفاتحه بوضع ايدي على المكان وبعد ما اخلص الفاتحه اقول ( اعوذ بعزة الله وقدرته من شر ما اجد واحاذر ) ثلاث مرات
وهي من الادعية اللي كان يقولها الرسول عليه الصلاة والسلام
مع الاستمرار وطبعا مانسيت الدعاء .. ولمدة كم يوم
اللهم لك الحمد ، تبارك الله خفت الورم بشكل كبير وبشكل تدريجي اختفى
نفسيني رجعت طبيعيه بعد ماكانت تعبانه وارتاح بالي
لاني كنت احاتي
القرآن فيه شفاء عظيم
والصدقه فضلها عظيم
والدعاء اثره عجيب
وحابه اضيف
انه بعد كم يوم حصلت نفس المبلغ اللي تبرعت فيه مع صفر زياده ع العدد هههههه
فعلا مانقص مال من صدقه
هذه تجربتي حابه افيدكم فيها حبيباتي
بس اللي فيها ورم او غيره من الامراض اللي يحفظكم ومع الايام ماتم يخف ويزيد لازم طبيب
واكيد
العلاج بالقرآن والصدقه والدعاء يباله قلب واثق ومتوكل على رب العالمين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يتمم عافيتك ماتشوفين شر والنعم بالله
سبحان الله انا نفس الشيء مع ولدي ظليت سنتين وعالجته بالقران والصدقة ولله الحمد
ربك عند حسن ظن عبده به
__________________________________________________ __________
>>>> الرد الثاني :
امين يارب يزاج الله خير حبيبتي
والحمدلله انه ولدج تشافى مافي احسن من حسن الظن بالله سبحانه والتوكل عليه
__________________________________________________ __________
>>>> الرد الثالث :
بجرب يا اختي و ان شالله الله يشفيني من الغدة الدرقيه ،، عندي هبوط و الحمدلله على كل حال
و مشكورة على طرحج الصادق و الله يشفي الجميع يارب
__________________________________________________ __________
>>>> الرد الرابع :
الله يشفي الجميع ان شاء الله ...
انا استاصلت نصف الغده حاليا عندي خمول اخذ الحبوب ... الحمد الله على كل حال ...
__________________________________________________ __________
>>>> الرد الخامس :
ماتشوفون شر حبيباتي عنيده بحبك و فديتني والله
جربوا هالطريقه في العلاج عسى الله يجعل فيها الشفاء
رد مع اقتباس
