عنوان الموضوع : الموضوع ده عن العلاج مجانا في المانيا المطبخ اماراتي
مقدم من طرف منتديات الضمير العربي

السلام عليكم ورحمة الله وبركاته

انا كنت بتصفح منتدي بدون ذكر اسمه ولاقيت فيه موضوع بيتكلم عن العلاج في المانيا، والكاتبة بتقول ان والدها ووالدتها توفوا بمرض فيروس سي الكبدي وهي سنها في اول العشرينات، كانت طالبه ان اللي يشوف الموضوع ده يشيره عشان تعم الفائدة ونحاول ننقذ ارواح المرضي قدر الامكان.

للعلم ان الالتهاب الفيروسي الكبدي سي ده منتشر عندنا في مصر بطريقة رهيبة، وحتي الان ملوش علاج نهائي، وكل العلاجات اما كيماوية او غيرها من العلاجات المزيفة، وعندنا الدولة مش مهتمة بأي حد ولا بتحاول حتي تعالج الناس علي نفقة الدولة وده طبعا بعد ما دورت ولاقيت ناس كتير اوي مصابين بيقولوا حسبنا الله ونعم الوكيل في الحكومة وكل واحد مقتدر مش بيساعد الناس

هي اتكلمت عن مستشفي الماني بتعالج حالات الالتهاب الفيروسي الكبدي سي بالخلايا الجذعية، وانا قريت عن الخلايا الجذعية دي وعرفت انها من زمان اصلا والناس بدأت تستخدمها بس تطور استخدمها بطريقة كبيرة اوي خلال الكام سنة اللي فاتو دول خلاها دخلت في حاجات علاج امراض كتيرة اوي زي الكبد والسرطان وقريت ان الدكتور مجدي يعقوب نجح في انه يصنع صمامات قلب من الخلايا الجذعية، وده في حد ذاته انجاز ينقلنا 100 سنة قدام.

طيب المريض يطلب العلاج ازاي؟
- هايبعت للموقع اي تحاليل عنده (ويكتب التحاليل دي اتعملت من امتي) وتقرير عن حالتها واكتشفت المرض امتي وازاي علي اللينك ده.

هي قالت بردو:
"انا حبيت اعمل الموضوع ده بسرعة كده بس عشان الناس اللي محتاجة العلاج في المانيا ومعهاش نفقة العلاج تدخل علي اللينك وتعرف اكتر عن الموضوع ده."

وبردو طلبت ان اي حد يشوف الموضوع ده يشيره وهي مش عايزة اي حاجة غير كده.
علي العموم انا عملت الموضوع ده عشان البنت دي صعبت عليا اوي، بس انا قولت اساعدها في الموضوع نشر الموضوع ده.

ايه رأيكوا يجماعة لو فعلا ننشر الكلام ده في اي منتدي تاني احنا مشتركين فيه ولو حد يعرف فعلا حد مريض كده، ممكن يتصل بالموقع العربي بتاعهم ويعرف اكتر عن الاجراءات ويقولنا يمكن نفيد ناس كتير محتاجين.

ربنا يشفي كل مريض، ياريت لو حد جرب يكتب تجربته هنا ويقولنا اي حاجة، او لو اتعالج في حته غير المانيا يقولنا بردو وايه كانت الاجراءات وايه المرض وفترة النقاهة كانت قد ايه وكده يعني.

يارب انت الشافي لا شفاء الا شفائك، شفاءً لا يغادر سقماً

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


__________________________________________________ __________

>>>> الرد الثاني :


__________________________________________________ __________

>>>> الرد الثالث :


__________________________________________________ __________

>>>> الرد الرابع :


__________________________________________________ __________

>>>> الرد الخامس :