عنوان الموضوع : حريم بلجيكا ، رفقا بالقوارير لصحة الجسم
مقدم من طرف منتديات الضمير العربي

مرحبا خواتي

اتمنى التوفيق للجميع وعسى الله يرزق كل محرووومه

اكيد بتستغربون من عنوان الموضوع
انا حبيت اسلط الضوء على شي مهم، لازم كل وحده تفكر اتي تتعالج في بلجيكا والا اي مكان في العالم تاخذه بعين الاعتبار


في البداية ::: كل محرومه تتمنى هالتجربة انها تسافر وتتعالج علشان العيال
وفي وايد حريم الله نعم عليهم بهالفرصه اللي الاف المحرومات يتمننها

انا بخبركم عن تجربة وهي اكبر دليل على كلامي، في البداية كنت انفي هالاشياء لكن المواقف هي اكبر دليل


كل حرمة اتي تتعالج في بلجيكا يا حظها اذا بتلقى خوات يونسونها ويعيشن نفس المعاناة ونفس حرقة الاعصاب _ وعسى الله ينعم علينا بالصبر _ وكل وحده تونس الثانيه في غربتها،، ويخففن على بعض لان العلاج طويل والغربة صعبة وبني ادم ضعيف

انا كل هالمقدمات قلتها والحين بندش في صلب الموضوع

ابصراحه اللي اتي تتعالج _ تنسى ان في خصوصية في الموضوع !!!!!!
فعلا

والله على ما اقول شهيد

يعني مثلا اليوم الحرمة بدت تاخذ الابر
لازم العمارة كلها تعرف انها تاخذ ابر ((( لانهم يسكنون في اماكن معينة معروفه للخليجين )))
والطامة الكبرى ان موب بس الحريم اللي يعرفن ..... حتى الرياييل!!!!

تتخيلون ان الريال يعرف متى الدورة اتي لحرمة جاره !!!

واذا ما يلستي وي الحريم ولا تكلمتي في موضوع العلاج ،، معناها انتي متكبره وخقاقه
جد في شي غريب انا بنفسي موب قادرة افهم شو قصتهن !!


المترجمات بير من الاسرار بطبيعة مهنتهن، والحريم البعض منهن لا خصوصية ولا هم يحزنون
لازم يعرفن البيضة ومنو باضها


في شي ثاني بصدمكم فيه اكثر
كل وحده تتلفسلف بشي عن العلاج، مثلا انتي تاخذين ابرتج الساعه 6 يقولن لج الحريم ليش تاخذينها الساعه 6 لازم تاخذينها الساعه 7
وخذ وهات يا كلام ..
وممنووووووووع الجدال اذا في جدال يصير زعل
في بعضهن، الغربة بالشهور----->> تخليها دكتورة!! تنافس ديفروي اللي هو رئيس المستشفى

حبيباتي موب كل الحريم حالتهن نفس الشي، كل وحدة في حاله ما يعلم بها الا رب العالمين

والمشكلة بعد الرياييل نفس الشي،،، مافي خصووووصية ابدا، يعني عادي الريال يخبر ربيعه ان حرمته عندها موعد سونار ،،وكم عدد البويضات وكم صار حجمهن!!!!

اتصدقون ان في ريال الله يستر عليه،، يقول لريلي حرمتي بعدها الدورة ما يتها

وفي واحد ثاني يقول للرياييل ان حرمتي احلى وحده في الحريم اللي موجودات في العمارة >>>>> NO WAY


اتقو الله في كلامكم، انا اقول هالشي عن تجربة
وجودنا هني لنفس الهدف مافي اي سبب يخلي الميانة اطيح هالكثر من بينا
والغريب في الموضوع: ان الاهل اللي موجودين في البلاد ما يعرفون شو سالفة الحرمة وشو علاجها وما يخبروهم ،، يا غير العمارة كلها تدري عن سيناريو العلاج ((( شي لا يعقل )))

هذا فيض من غيض ،، والسموحه على الكلام القوي
بس هذا مثل التنويه للحريم اللي مفكرات يعالجن خارج الدولة

في مثل يقول روح بعيد وتعال سالم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عسى الله ينعم علينا بالصبر

__________________________________________________ __________

>>>> الرد الثاني :
معاج حق أختي
كلامج صحيح الله يهدي الجميع

__________________________________________________ __________

>>>> الرد الثالث :
هههه الله يعينج شر البلية مايضحك والله يرزق كل محروم

__________________________________________________ __________

>>>> الرد الرابع :
اب اب اب

__________________________________________________ __________

>>>> الرد الخامس :
الله يهديهم ان شالله