عنوان الموضوع : مافي حل غير اطرش له البويضه للصحة
مقدم من طرف منتديات الضمير العربي

السلام عليكم


اشـــحالكم يا سيدات الامارات ...


ما اعرف شو اكتب لكم بس والله اناا مليت الوحده ذبحتني .. وخاصه انه يوم ريلي يرووح الدوام اتم بروحي بموووت من الملل والوحده اسبووع كامل

انا متزوجه صار لي 7 شهوور وما حملت لين الحين ادري بتقولون غيرج ما حمل صار له سنه او سنتين او ثلاثه .. بس انا ليش انتظر لين ما اكمل سنه ..


خواتي انا ريلي دوامه اسبووع باسبووع ودايمااا ايام التبويض ما يكوون عندي ومرات بصدفه اذا كان موجود ما يصير حمل

رحت للمستشفى وفحصت والحمد الله كل شي كان تمام بس من اسبوع اكتشفت انه عندي تكيس مادري من وين طلع المهم انا امس يتني الدوره 13-2 -2017 وان شاء الله ينزل مع الدوره

الدكتوره كم مره حددت لي ايام التوبيض بس ريلي يكوون في هالاسبوع في الدواام شو اسووووي اطرش له البويضه خخخخخخ ولا شو اسوووووي والله مليت
والله ماشي حل غير اني اسوي كذيه

قالت لي الدكتوره بتعطيني كلوميد وبتنظم كل شي بس انا خايفه من الكلوميد انصحووني بنات من تجاربكم في الكلوميد والابره التفجيريه

واذا خذته بحمل من اول شهر ولا ؟؟

له اضرار ولا


بلييييز بنات انصحووني والله مليييييييييييت من هالحاله ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا الغاليه انتى مشكلتج نفس مشكلتى انا اول ما عرست كان ريلى يداوم بعيد عنى وايي فى الويكند بس كل اللى اقدر اقوله لج ان اذا بتجربين تاخذين كلوميد لازم ريلج يكون وياج فى اليوم الللى بتقولج اياه الدكتوره لانه ما فيه فايده تاخذين دواء وهو بعيد واذا انتى ما عندج مشكله وكل تحاليلج وفحوصاتج اوكى ما فيه داعى للكلوميد المشكله بيتكون فى بعد ريلج عنج

__________________________________________________ __________

>>>> الرد الثاني :
me too نفس المشكله^^

الله يرزقنا جميعا

__________________________________________________ __________

>>>> الرد الثالث :
ههههههههههههههههه حلوة هاي اطرشين له البويضه خخخخخ موتيني
الغلا سيري عنده في شقه او فندق ايام التبويض حاولي وياه


الله يرزقج ويرزقني قريب ان شالله

__________________________________________________ __________

>>>> الرد الرابع :
يا حبيبتي لا تاخذين الكلوميد وانتي فيج تكيس شو تبينه يكبر لازم تعالجين التكيس اول انا نفسج اول ما عرست يلست 6 شهور ما حملت ورحت عند فوفو الله يسامحها وعطتني كلوميد كبر الكيس استوى حجم البرتقاله وعقب سرت عند دكتورة شاطرة فبوظبي اسمها كاميليا الحين انتقلت الشارجه سوتلي علاج شهرين وعقب قالت لي روحي سوي بيبي والحمدلله يبت سلطان وعقبه سيف وعبود الله يحفظهم يارب والله يرزقج يا حبيبتي

__________________________________________________ __________

>>>> الرد الخامس :
هههههههههههههههه حلوة هآآي

نصيـــحة .. دآآم مآآفيج شي .. وكــل شــي طبيعي .. لآ تآخذين أدويــه واتييبين العلل حق عمرج

وتمي ادعي انه الله يــرزقج ..

الله يرزقــج الذريــه الصــآلحة ..