عنوان الموضوع : )()( قصة دلوعة زوجي & الولاده << بالتفصيل الممل >> )()( تغذية صحية
مقدم من طرف منتديات الضمير العربي




شحالكن كروشاااااااات ؟؟
قبل كل شي أبشــــــــــــــــــــركن دعيتلكن كلكن ربي يسهلها عليــــــــــــكن

ما شاااااء الله كيف مرت الاياااااام ،، دخلن على هالرابط قبل :

https://www.uaewomen.net/showthread.php?t=70172






السعاده بقلبي مالها اليوم سعه
ومابقى فيني من الصبر صبر
أبزيل الكدر والهم والأقنعه
وانحني لربي واشكره اعظم شكر
وارسم الفرحه وانسى الحزن ومدمعه
وأبشركم بولادة )()( راشــــــد )()( ياأغلى البشر



>>>> يتـــــــــــــــــــــبع >>>>

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يســلمكن موعد الربا كان[/COLOR] (( 22/1 )) يعني يوم الجمعـــــــه ،، ومواعيدي من دخلت التاسع كل اربعا ،، فسرت آخر موعـــــــــد كان (( 20/1 )) وشافوا ضغطــــــي قبل لا ادخل عند الدكتوره كان أوكي ،، وقبل لايزقروني حســــــــيت بدووووخه كلمتهم يدخلووني اسررع ع الدكتوره حسيت بطيح عليهـــــــــــم ،، فدخلوووني بسررررعه عند الدكتوره ،، وتمت تسألني ،، قالتلي سيري شـــوفي ضغطج مرره ثااانيه ،، يوم سوتلي مال الضغط طلع الضغط عنــــــــدي مرتفع ،، استغربت توه أوكي قبل لا ادخل عندها شو اللي رفعــــــــــــه !!

سألتني تحسين بويع ؟؟ قلتلها من دخلت التاســــــــــــع وهذا يسمونه (( المنان )) قالتلي بفحصج داخلي ،، يوم فحصتني قالت الرحم مفتوح بس ((1 سم )) << هذا طبيعي ،،

المهم قالتلي بما انه ضغطج مرتفـــــــــع مب زين للبيبي يمكن يستويله تشنج ،، لازم تترقدين عندنا،، المهم انحجزت عندهم ودوني فووووق قبل لايحجزولي حجره قالت تعالي بشــــــوف ضغطج ،، تخيلن المفاجأه ؟؟؟؟؟؟؟؟؟

ضغطـــــــــــــــتي أوكي خخخخخخ استغربت النيرس قالت لا مرتفع ولاشي
قلتلها يمكن ضغطي ارتفع لانهم اتأخروا لين يزقروووني خخخخخ

المهم قالت لااازم تترقدين هذي تعليمات الدكتوره ،، وترقدت عندهم سوولي تخطيط مافيني ويع وقلب البيبي اوكي ،، كل 4 ساعات يجيكووون كل شي اوكي تميت عندهم من 11 الضحى للساعه 8 فليل ،، يت الدكتوره قالت كل شي اوكي قلتلها عيل رخصيني ،، قالت ماقدر لازم تجيك على ضغطج 4 مرات وللحين مرتين ،، قلتلها مااااااااااابا ابا اطلع عندي جهاز الضغط في البيت بجيك لو ارتفع بردلكم ،، قالت خلاااص (( وقعي )) على مسؤوليتج ،، وجااان اوقع وارد البيت ..

قالوا لي خذي موعد ثاااني ،، خذت ليوم الاحد (( 20/1 )) وموعد الربا اصلآ (( 18/1 )) ..


>>> يتــــــــــــبع >>>>

__________________________________________________ __________

>>>> الرد الثاني :
(( بعد ماطاف الموعد بــ يومين ))

المهم ســــــــــرت الموعد يوم الاحد وقبلها يلست في مااااي حااار يقولون يساعد على فتح الرحم ،، وسربت بابونج وجرفه ،، وزيت خروع حطيته في بيبسي بس رجعته كـــــــــــــــــــله << كان ثجيل علي ..

واتوكلت سرت الوعد عل وعسى الرحم فتح زياااده وكان فيني امنان الولاده،، المهم دخلت عالدكتوره فحصتني فحص داااخلي قالت الرحم مفتوح 1ونص ،، مت من القهر وعلى فكـــره مابي اخوفكن بس يعور الفحص الداااخلي


المهم قالتلي انتي طوفتي موعدج بيومين مابحجزج عندنا ردي البيت شربيلج جرفه وبابونج وهالسوااااالف وامشي ،، لو لين العصر ماحسيتي بويع لاااازم اتين تترقدين عندنا وثاااني يووم الصبح نعطيج طلق صــــناعي قلتلها ماباااا طلق صناااااااعي لو الموت ما يمدحونه وماينحني خواتي ،، قالتلي الدكتوره انا امجربه في 3 من عيااالي الطلق الصناعي ومافي شي ،، قلتلها لاني ساامعه يتعب الياهل ،، قالت لا ،، ردي البيت وتعالي للعصر ولايغيرون رايج اللي فالبيت ،،

المهم رديت البيت وصليت استخاره وشسويت اللي قالتلي عنه شربت ومشيت ،، وللعصر ماحسيت بشي

>>> يتــــــــــــــــبع >>>



__________________________________________________ __________

>>>> الرد الثالث :
سرت المسشتفى لانها كانت عاطتني ورقة اكون عندهم ع السااعه
5 ،، سرت وحجزوني لثاني يوووم الفير سوولي تخطيط مافيني ويع ،، عطووووني الطلق الصناعي ع الساعه 7 ونص ،، قالوا بنشـــــــوف لــ 8 ساعات لو مافتح عندج بنعطيج طلق ثااني وانا متروووعه ،، كملت 8 ساعات فحصتني فحص داخلي قالت فتح الرحم (( 2 سم )) مابعطيج طلق في امل يفتح امشي وامشي ان شاء الله يفتح ،، هذا الكلاااام العصر مشيت ومشيت لين تعبت رديت حجرتي ،، عقب يتني حميتي ومااااااااقصرت لفتني فالمسشتفى ف كل الاقسااااام خخخخخخ وصعدتني الدري ونزلتني منه <<< باختصاااااار هلكتني خخخخ ردينا الحجره حسيت الويع زاااااااد ما اقول شي ،، لين يابوا التخطيط سوولي طلع مافيني وااااااااااااااايد ويع ،، وانا احس الويع قاام يزيد بس هم يقولون عاااااااادي والرحم نفس ماهو (( 2 سم )) المهــــــم للساعه 12 فليل زاااد الويع وادق الجرس وازقر النيرس اقوولها زاااااد الويع علي ،، اتسويلي تخطيط ويبين عااااااااادي بس انا خلااااااااااص بمووووووت مب قاادره ارقد ،، قالت شــــوفي الساعه كل كم دقيقه اييج الويع وخبريني ،، قلتلها اوكي ،،

اكتشفت كل 5 او 10 دقايق ،، قالت لاااااازم انزلج قسم ما قبل الولااااااده


>>>> يــــــــــــتبع >>>>



__________________________________________________ __________

>>>> الرد الرابع :
نزلتني على طووول ع الساعه
4 ونص الفير سوولي تخطيط والويع عااااادي فالجهاز والرحم نفس ماهو

وانا احس بموووووت ويقولولي امشي امشي واحس مب قاااااااااااادره امشي من الويع ،، امي في صووب تسحبني وحميتي من صوب واختي من صوووب ،، امشي غصب كل 10 دقايق او ربع ساااعه واحس ابا اسير الحمااااام ماقدر اطول ،، لين يت الدكتوره ع السااعه 11 الضحى جيكت الرحم (( 2،5 )) وهي اتجيك نقعت كيس المااااااي قالت يمكن يفتح الرحم اسرررع


وانا اتروعت اكثررر قلت كيف بيعيش ولدي من دوووون ماااي !!!
قالت عااادي يقدر يتم 24 ساااااااااعه بدون ماااااي ،، وكل ما امشي احس ينزل على ماي اكثر غير انها نقعت الكيس ..

وتميـــــــــــــــــت اتويع للساعه 8 المسا وانا على هالحااال ،، لين زاااد الويع وركبولي في ايدي مغذي وايدب الثانيه بعد طلق صناااعي في العرج واااااااااااااااايد عااانيت ولا ،، البيبي يشـــــــــــــــــــــــــد وتقولي النيرس لاتشدين مب زين لراس البيبي لان الرحم مافتح عندي ،، اقولها مب بيدي البيبي روووحه يشـــــــــــــد ،، قاالت مب زين يودي عمرج والا بينفعص رااااااسه وبيستويله ضغط وانا مب قااااااااده خلااااااص اشــــــــــوف الموت وادعيلكن والله )()( ربي يسهلها عليكن )()( وادعي وادعي لكل اللي اموصيني ،، لين الساعه 9 تقريبآ قالوا خلاااااااااااااااص ماشي أمل لازم انسويلها عملية قيصـــريه كلهــــــــــــــم انحبطوا اللي وياي من الصبح (( أمي & عمتي أم ريلي & هنتين من حمياتي & هنتين من خوااااتي ))

قاااااااااااالن لاااااااااااا مانبا علمليه اصبروا عليها ،، لين دكتوره وحده انعرفها اتصت بهن من بيتها قالت اتريووا لاتستعيلووون عليها يمكن يفتح الرحم عندها ،، والكل يدعي ع رااااااااااااااسي واختي من الصبح تقرا علي البقره والاذكاااااااار وعمتي تمسح ظهري وجسمي ،، ومن الصبح امركبين الطلق الصناعي في ايدي وضربوني ابره في ظهري مسكنه موووول ماااشي فااايده


لين زاااد الشـــــــــــــــــــــــــــــــد علي ،، البيبي يشـــــــــــــد لين يت الدكتوره تفحص قالت الحمـــــــــــــــــدلله فتح (( 4 سم ))

جان يستاااااااااااااااااااااانسون ،، يلسوا يدعون ويدعون والشــــــــــــــــد زااااااااااد يت الدكتوره قالت الحمــــــــــــــــدلله فتح الرحم (( 7 سم )) على طووووووووووووول ع غرفة الولاده ،،


>>> يتــــــــــــــــبع >>>



__________________________________________________ __________

>>>> الرد الخامس :
دخلت
10 ونص المسا وربــــيت (( 11 الا ربـــع )) <<< ما شاااااااااء الله في ربع سااااااااااااعه

واااااااااايد كانت سهـــــــــله الولاااااااااده << ربي يسهلها عليكن مثل ماسهلها علي،، بس عانيت قبل لاأاربي
والحمـــــــــدلله ربي رزقنــــــــــــــي برشــــــــــودي فديته

اول ما نزل حطته ع صدري جان ادمع شعور غرييييييييييييييييييييب << ربي يرزق كل محرووومه ،،

على طوول خبرت اللي برررع قم امي وريلي وخواتي وعمتي وحمياااااااااااتي ودخلوا علي فالولااااااده طبعآ بس الحريم وامغطيني ،، يباركن لي ويصورن رشـــــودي واتصالات من اخواني وحريم اخواني وانا في غرفة الولاده ،، واتصال من العضوتيــــــــــــــــــن اللي كانن ويه حميتي يتخبرن عنــــــــي من اول ماعانيت وماقصررررررررررررن العضوه )()( ضــــــــــي عيـــــــــني )()( فديت روحها << اللي بشـــرتكن ونزلت الموضوع تبشركن ،، والعضــــوه )()( " يا دمــ ع ــــتي " )()( فديتها ..


عقب طبعآ راغوهن من الحجره وسوولي خيااااطه لانهم فتحوا الرحم اكثر اثناء الولاده ،، بالنسبه للخياطـــــــــــــه يخدرون المنطقه وماتحسين الا شــــــــوي ،،


اتقولي الدكتوره وانا اربي مااشااء الله عليــــــــــج هاااديه ابــــــــد ماصارختي وااايد عيبتيـــــــــــنا حتى حزة الخيااااطه ساااااااااكته لو اتويع نا اصارخ << ما ظن الصراخ بيخفف الالم او بينزل البيبي


على طووول يابوا البيبي عندي ارضعــــــــــه ،، بس ماقدرت كنت مدوخه شـــوي الدم نزل عندي كان (( 10 )) وصل (( 7 )) بعد الربا


والحمـــــــــــــــدلله ربيت بالســــــــــلامه وصرت أم << شعــــــــور ماينوصف لانه اول بيبي

ربيت يوم الثلاثا تميت للجمعه لانهم يوم الخميس عطوني دم (( لتر )) في العرج طبعآ بعد عانيت ،، لانه كيسين ،، الكيس الواحد (( 500 مل )) وياخذ 5 ساعات ركبولي من 1 ونص الظهر للساعه 7 المغرب ،، قلتلهم بريح باكل وبرضع ولدي عقب كملوا الكيس الثاااني قالوا ما ينفع الدم بيسود لازم تواصلين ، تخيلن كملن من (( 7 المغرب )) للساعه (( 12 فليل )) وانا لا اقدر اكل ولا اشرب ولا ارضع ولدي ،، وااايد عانيت الصرااحه ..

لين صبح الجمعه يت الدكتوره قالت بترخصني ،، واتريا د. اطفال ،، شافوا ولدي مصفــــــــــر قالوا يمكن فيه بوصفار بس الحمدلله طلع مافيه شي وترخصــــــــــــت ..


سوولي استقبـــــــــــــال فالبيت ونثور ،، ومب امصدقين اني صرت أم وانا آخر العنقود وعمري 21 سنه

الحمدلله الحمدلله الحمدلله

يااااااااااااااااااااااااااااارب يرزق كل محرووومه
ويسهل على كل كروووووووووووشه[/FONT]


وهذا بوســــــــــــنيده ربي يحفظه :


>>> وبــــــــــــس <<<