عنوان الموضوع : خاطري أحمل ولكن ,,,؟ لحياة صحية
مقدم من طرف منتديات الضمير العربي
السلام عليكم ورحمة الله وبركاته ,,,,
شخباركن خواتي عساكن بخير وصحه وعافيه ....
مابطول عليكن.... خواااااتي ,,,الموضوع وما فيه اني مربيه قيصري قبل سنه و 4 شهور والسبب كان انه الحبل السري التف حول رقبة الياهل ,,,
والحين سؤالي ...؟؟؟؟ عادي لو صار حمل الحين مابيأثر عالعمليه؟؟؟
بشو تنصحوني عسب الولاده ثانيه تكون طبيعيه؟؟؟
واذا حملت في احتمال اربي طبيعي والا قيصري ؟؟؟
انا الحين باديه اخذ فوليك اسد مع فيتامينات الدكتوره وصفتلي ....لانهم يساعدون عالحمل ... وباديه انزل وزن عسب ما اتعب في الحمل والولاده.. تصدقون من كثر ما أفكر صايره اوسوس وايد اني اذا حملت بسقط ...
ياليت ايلي تعرف تفيدني ويزاهاااا الله الف خير ,,,اسمحولي اسال وايد ..لان امي حرمه عوده وماعندي حد اساله لا خوات ولا غيره ,,,البركه فيكن .... وانشالله لكم منى دعوه عن ظهر غيب ... بس امأأأانه ادعولي ,,,لان دعوة الاخ لأخوه المسلم عن ظهر غيب مستجابه ....واسمحولي عالإطاله ....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الافضل تتريين حتى البيبى يخلص سنتين
اما الحمل الثانى علمه عند الله
ماحد يقدر يقول قيصرى ولا طبيعى
حتى الدكاترة
لان كل هذا يعتمد على الجنين وضعه وحالة الام الحامل
وربي يقدر لج الى فيه خير
__________________________________________________ __________
>>>> الرد الثاني :
ان شالله خير خيتوووو ومشكوره ع الرد
__________________________________________________ __________
>>>> الرد الثالث :
توكلي على ربج وان شاء الله تتسهل امورج وتولدين طبيعي
مب شرط اذا كانت ولادتج الاولى قيصرية الثانيه تكون نفسها
بالعاده اللي تولد مرتين قيصري الثالثة لازم بعد قيصري
بس وايدين أعرفهم الاول بعمليه والثاني واللي عقبه الحمد لله طبيعي
بس انتي شدي حيلج وقت الربى ولاتسيرين المستشفى من اييج الويع لانه اغلب المستشفيات وخصوصا الخاص ع طول عندهم قيصريه
وادعيلي ربي يسهل امرئ واربي طبيعي
__________________________________________________ __________
>>>> الرد الرابع :
وبخصوص انج والدة من سنة واربع اشهر بعمليه يفضل انج تستشيرين دكتورتج اذا ما عندج مشاكل والجراحة ممتازه عادي الحمل لين ربج أيسرها وتربيين بيكون نونوتج كمل السنتين وأكيد يبا حد يلعب وياه
__________________________________________________ __________
>>>> الرد الخامس :
أختي عادة الحمل بعد القيصرية يفضل أنج تنتظري لين تكملي سنتين . بس أعرف أكثر من وحدة حملوا قبل السنتين والحمدلله الله تمم لهن بخير وولدن بالسلامة . ممتاز إنج تاخذي الفولك أكسيد , لازم كل وحدة تخطط للحمل تبدأ تاخذ الفولك أسيد قبل الحمل بثلاث شهور .
تنقيصج لوزنج بعد خطوة ثانية ممتازة لحمل صحي بإذن الله . مب لازم اللي والدة أول مرة بقيصري تولد بعدها بقيصري , حرمة أخوي مثل ولدت قيصري في أول حمل لأن الحبل السري ألتف حول رقبة الجنين , والحمدلله حملها الثاني ولدت طبيعي . يعني ما دام أنت ما عندج مشاكل ولا الجنين عنده مشاكل ولا حصلت حالة تستعدي الولادة القيصرية بإذن الله بتولدي طبيعي , بعدين أختي لا تشيلي هم الولادة من الحين خليها على الله واللي كاتبنه الله بيصير .
أختي خلي ثقتج بربنا عز و جل وتفاءلي , بإذن الله بتحملي حمل سليم ومعافى وبتربي بالسلامة وبتجيب طفل معافى .
رد مع اقتباس
