عنوان الموضوع : محتاجه دعم نفسي ضروري لصحتك
مقدم من طرف منتديات الضمير العربي
سلام عليكن حريم
شحالكن عساكن طيبات
الصراحه حسيت بضيقه ولا شي فايده من السكوت أنا حامل في شهريه التاسع المهم الحمدلله ماشي
مشكله صحيه ولله الحمد بس هذيلا الحريم هن المشكله طفربيه وعقدنيه حشى !
السالفه إني توني داخله ثالث أسبوع من التاسع أنا عاطتني الدكتوره الولاده تاريخ 2 /7 اول الشهر الياي
كل وحده تشوفني في بيتي والا بيت هليه حتى خواتيه وربيعات إمايه وكل حد ناقص بس البشكار يقولي
إنتي بعدج ما ربيتي؟!!!
يعني أنا بكيفي متى ما أبا بربي!
وأنا أوريدي نفسيتيه تعبانه من الحمل يعني ما أحس ببوادر ولاده قريبهأخاف أعوشر
لان معظم اللي يشوفنيه يقولن جان ما تعوشرين مع إني ما كملت شهريه بعدني واللي تقولي شكلج تعبان
يعني حامل وتعبانه ومن يومين مخلصه دراسه وامتحانات كيف بيكون شكلي
مادري أنا محسسه لان هاي هرمونات الحمل مأثره فيني ومكبره الموضوع والا كيف
أنتظر ردودكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طنشيهم هاييلا بس جيه يرمسون ما عندهم سالفة
__________________________________________________ __________
>>>> الرد الثاني :
كلنااا نمر بنفس هالمشكله .. انتي دخلتي شهرج و3 اسابيع .. انا بعدني مادشيت وحااشريني .. عسب جي الواحد يعطي الاهل تاريخ متاخر احسن . .
انا اقولج خلي امرج عالله .. والتساهيل من رب العالمين .. والحمدلله مافيج اي االاام او تقلصات او بوادر تسبق الولاده وتعذبج وتخليج تتالمين عالفاضي .. يمكن ييج الويع مرره وحده وتربين ..
صح كثرت الاسئله تضايق بس طنشي واستغفري ..
__________________________________________________ __________
>>>> الرد الثالث :
عادي اختي يمكن الويع ايج مره وحده وتربين
انا عن نفسي كملت التاسع خخخخخ ما عليج
ارتاحي انتي و اهم شي تغذي عدل
__________________________________________________ __________
>>>> الرد الرابع :
ههههههههههه حبيبتي والله سمحيلي غصبن عني ضحكت
اتذكرت عمري اول بيبي كنت شراتج
طبيعي كل الحوامل مرن بهالشي خاضه اول بيبي كل حد يزن عالراس متى بتربين جنهن بيولدنج و خايفات يفوتهن الموعد
الغاليه ادري انج طفرتي بس كل ما حد ايي يسالج قوليلهم ان شاء الله خير ولا قولي ادعولي بالسهاله
انا تميت جيه اسوي عقب ما طفرت من كل حد و لا بعد يحليلي ربيت ثاني اسبوع في التاسع و يوم يا البيبي صغير (اكيد لاني ما كملت شهري) كلوني اكل جنه بايدي مع العلم انه ولدي وزنه وايد كان مناسب مع الاسبوع اللي ربيت فيه حسب الجداول الطبية (ولدت الاسبوع 37 و كم يوم وولدي وزنه 3 كيلو و غرامات) بس شو بتقولين الناس فيهم جهل استغفر الله و ما بتيلسين تشرحين لكل حد
مهما رحتي مهما سويتي بيرمسون بيرمسون
فلا تعورين راسج معاهم خلاص اعتبريها سنه من سنن الحياه التدخلات من البيئه المحيطه
ولا تراج وايد بتتعبين اذا ما هيأتي نفسج لهالشي
و يا رب يا رب تربين بصحه و سلامه و تيبين احلى بيبي ما عليج من حد
__________________________________________________ __________
>>>> الرد الخامس :
عادي ما في وحده ما قالولها هالكلام وكل ما يقولون لي بتعوشرين اتذكر الناقة ههههههه عادي بتربين على خير يوم ربه بيأذن له
الله يسهل عليج ويعطيج ساعة سهلة
رد مع اقتباس
