عنوان الموضوع : موضــــوع بااااط جبدي من زمــان ... لسلامتك
مقدم من طرف منتديات الضمير العربي

استغفــرالله , قاعــده اكتب الموضوع و ان ميتــــه قهــر و مضايجه و زعـــلانه وووووووووو وكل شي بعد
يعنــي متى متى متى متى متى متى ,,,,,
راح يرحمونـا و يزيـــدون ايــام اجــازة الوضـــع يارب
معقــوله يا ناس نحن دوله حضاريه و مزدهره اللهم لا حســد و عندنا حقوق الانسان يعني الحمدالله بخير ونعمــه .
45 يوم 45 يوم معقوله شو ها لا و شامل اجازات الرسميه في دولــه ( الجمعه و السبت و اجازات الرسميه الثانيه مثل العيد او اي اجازه ثانيه )
حرام والله حرام
تدورن روسيا : اجازة امومه 3 سنوات مدفوعة الاجر كامله قمة القهـر , الفلبين : اجازة وضع من شهر ثامن لمدة 6 شهور مدفوعة الاجر كامله . بريطانيا اجازة لمدة سنه ( واذا مب متزوجه يعطونها بيت بعد ههه استغفر الله ) ومدفوعة الاجر بل كامممممممممل . الهند اللي هي الهند اللي لاعندهم حقوق انسانيه و لا يدرون عنها وغيره : 6 شهووووووووووووووووووووور و قابله لتمديد ومدفوعة الاجر بعد و الخ الخ الخ .
تدرون انه نحن الدوله في المرتبه 31 بلنسبه لدول العالم في اجازة الامومه بلنسبه لدول الاخرى بنفسي قريتها بجريده الامارات اليوم قبل كمن شهر !!!!!!!!!!!!!!!!!!!!!
انا ما انكــر انه نحن الحمدالله عندنا حقوق المرأه و كل شي متوفر لنا الحمدالله لك يارب .
بس كيف كيف بعد النفاس 40 يوم الله يعلم تعدي عخير و لا لا بعد لا تنسون حالات الاكتئااات و النفسيه الخرى و العفسه النفسيه و الهرمونات بعدها فوق وتحت و تعب الجسمااااني
لا يزاهم الله خير عطونا 5 ايام زياده من عندهم والله وايد عليكم يا وزارة العمل و العمال ولا مدري منو ؟
ياخي ليش محد رمس يوم شيخ محمد بن راشد الله يطول بعمره سوى المؤتمر الحكومي كنت اتمنى اسمع حد يسـأل عن قلة ايام اجازة الوضع و ليش شامله الاجازات الرسميه ؟؟؟؟؟
لا ... ويقولون اونه ليش قلة نسبة المواليد المواطنين في دوله ؟؟؟؟!!!
ترى شو نسوي انيب لكم عيال لهذا الوطن المعطاء و عقب 45 يوم نعطيه للخدامه و هي تربيه , عاد اذا عاش اليهال بين ايد الخدامه الف الحمدالله وشكر و اذا لا قدر الله ذبحته الله يرحمه ( الله يحفظ ويحمي عيالنا من شر الخدم و يكفينا يارب )

حسبي الله ونعم الوكيل حسبي الله و نعم الوكيل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينا صدق45 يوم ما تكفي


الله المستعان

__________________________________________________ __________

>>>> الرد الثاني :
حرام والله هديت بنتي وهي عمرها 40 يوم وسرت داومت ... قسم بالله قلبي كان يتقطع والحليب يعور صدري وحالتي النفسية زفته وكنت مكتئبة.... الله يسامحهم والله ما أنسى معاناتي.... الرياييل مستحيل يحسون فينا... لازم الحريم في مجلس الوزاء يتكلمون.... صدق صدق حقنا مهضوم...

__________________________________________________ __________

>>>> الرد الثالث :
احيد اجازة الوضع 60 يوم

و صدق ماتكفي



الله المستعان

__________________________________________________ __________

>>>> الرد الرابع :
فعلاً الإجازة ما تكفي , بس في القطاع الحكومي إجازة الوضع صارت 60 يوم . أما في الهند فبصحح لج معلومة أختي , قانون إجازة الوضع في الهند غير ملزم , يعني الشركة أو الدائرة إذا ما تبي تعطي الموظفة إجازة وضع ما تعطيها ومن حقها بس شهر , وفي الشركات متعددت الجنسيات ممكن يوصل لمدة 3 شهور على أكثر حد ,( هذه المعلومة من زميلاتنا الهنديات اللي يشتغلوا معانا ) باقي الدول ما متأكدة . بس فيه دول تعطي إجازة وضع طويلة نسبياً ولكن لعدد معين من الأطفال , يعني مثلاً بس ولادتين أو ثلاث. .

__________________________________________________ __________

>>>> الرد الخامس :

المشاركة الأصلية كتبت بواسطة وجدان الفجر
فعلاً الإجازة ما تكفي , بس في القطاع الحكومي إجازة الوضع صارت 60 يوم . أما في الهند فبصحح لج معلومة أختي , قانون إجازة الوضع في الهند غير ملزم , يعني الشركة أو الدائرة إذا ما تبي تعطي الموظفة إجازة وضع ما تعطيها ومن حقها بس شهر , وفي الشركات متعددت الجنسيات ممكن يوصل لمدة 3 شهور على أكثر حد ,( هذه المعلومة من زميلاتنا الهنديات اللي يشتغلوا معانا ) باقي الدول ما متأكدة . بس فيه دول تعطي إجازة وضع طويلة نسبياً ولكن لعدد معين من الأطفال , يعني مثلاً بس ولادتين أو ثلاث. .



زادو وخلهم 60 يوم ههههههههههههههههه , والله ضحكت لين دمعت عيني يوم شفت الخبر يا حظي , قصو علينا و زادو 15 يوم عل 45 يوم صارن 60 يوم واااايد عليهم والله في ميزان حسناتهم الصراحه .
دام انه طبيــا الحرمه لين تتعافى جسديا بعد الولاده 6 شهور !!!!
و برايج انه 60 يوم تكفي اخـــتي ؟؟
ما عليه بس بعد الهند فيها اجازات اكثر حتى لو مب كل الاماكن بـــس في صح ولا ؟؟ و بلنسبه لدول الثانيه متاكده من المعلومات لاني سالتهن شخصيا بعد .
خلوها الله , الله يحفظ عيالنا يارب ويفرجها علينا ان شاء الله