عنوان الموضوع : السبــــــــــاحة و الحمل ،،،،،، شي خيالي تغذية صحية
مقدم من طرف منتديات الضمير العربي



السلام عليكم



السباحة للحامل مفيدة ع كلام دكتورتي بشرط ان الحامل تكون سليمة و جنينها سليم





يا كثر ما شفنا ها الممثلات و بأجسام مشدودة
سويت سيرج اجوف كلهم يسبحون في فترة الحمل
و نحن ما ندري عن هوى دارنا

بس نتفرك بالكريمات وما شي فايدة
فأتصلت ف دكتورتي قلت لها عادي اشترك ف جم و اروح المسبح بس



قالت لي بالعكس هو اوكيه خاصة ف الشهور الاخيرة
بس انتبهي لنفسج عن تتزحلقين ولا شي
ولا تتفلسفين وايييد و تغوصين
و اسبحي لنص ساعه تقريبا
و البسي شي مريح و مناسب لجسمج
و قبل ما تسبحين اكلي لج وجبة عدلة و اشربي ماي و عقب بنص ساعه سيري اسبحي



ولا السباحة ترتب الجسم ترتيب و تعدل نفسية الحامل و تشد الجسم و تخفف الخطوط و انتي حامل
قالت تبغي جسمج يكون حلوو سيري الجم بسرعه بس سباحة لا تتهورين



فحابة اسأل منو تسير المسبح و هي حامل تخبرنا و وين بالضبط
و هل النوادي تسمح للحوامل يسبحون و في تمارين معيينة تسوينها
و شكرا لكم



ابغي الكل يشارك

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كلامها سليم مليون بالميه ، أنا ماعرف أسبح بس جربت تمارين حق الحوامل في المسبح عند مدربه في فندق روكو فورتي أبوظبي ، للأسف المدربه سافرت و بترجع شهر سبتمبر ، التمارين في المسبح حلوه لأنه ماتحسين انج ثقيله و ما تحسين بالتعب غير لما تطلعين من المسبح ، ماقدر أقول إن حسيت بتغيير في جسمي بس النفسيه أكيد أوكي بعد التمرين و الألم اللي في ظهري خف بكثير ، حتى المدربه راوتنا كم تمرين نسويه في المسبح في حال حسينا إن ريولنا صارت ثقيله عسب نتخلص من السوائل ، قلتلها عادي بس ادش المسبح و أمشي فيه قالت هيه وإيد أوكي ، و ع كلامها إن هالتمارين تخليج تربين بسرعه يعني وقت الولاده يكون أقل ، كانت تراوينا كيف نتنفس وقت التقلصات و وقت طلوع رأس البيبي ، أتمنى أكون أفدتج ، و إذا في وحده جربت السباحه طول فترة حملها تخبرنا شو كانت النتائج

__________________________________________________ __________

>>>> الرد الثاني :
تسلمين ع المشاركة الحلوة و نتريى الباجيات

__________________________________________________ __________

>>>> الرد الثالث :
ما جربت السباحة في فترة الحمل

بس أتوقع إن الاحساس بيكون روعه

__________________________________________________ __________

>>>> الرد الرابع :
انا فبنتي كنت اسبح ونااااااااااااااااااااااااسه احس عمري طير هههههه
وايد حلو وحتى ما استولي تشققات ومن هالسوالف الحمدالله ..
وما بتزحلقين اصلا .. لان الرضيه فلين و ماتزحلق ..
والله السباحه وايد احسن عن المشي ..
انا الحينا بروح اشترك في نادي الفراشه فالشارجه عندهم سباحه للحوامل اكوايروبك واااايد مفيد وفي مدربه تابعج ع 300 وتابع لمجلس الاسره روووعه انا باجر بتصل وبشوف كيفف .. 3 مرات فالاسلبوع ..

__________________________________________________ __________

>>>> الرد الخامس :
انا احب السباحه وكنت مرات اسير الجيم اسبح قبل مااحمل،، بس يوم حملت حذروني البنات وربيعتي سالت دكتورتها قالت مانصحج خاصه لو مسبح لو بحر عادي لان يمكن تييج التهابات ماتعرفين هالمسابح نظيفه او لا وتكون نسبه الكلور عاليه وتضرج بعد من تحت فخفت الصراحه