عنوان الموضوع : مشكلتي ابالها حل ....ممكن؟؟؟؟
مقدم من طرف منتديات الضمير العربي

السلام عليكم خواتي
بالمختصر ... أما مربية من حول 10 أيام
ولاحظت في أواخر حملي انتفاخ في أصابع القدم
الكل قالي بعد الولادة هالنفخة بتروح
المهم بعد الولادة شافتني الدكتورة وشافت ريولي او بالأصح أصابع ريولي
وقالت لي هل انتي مصابة بالسكري او الضغط
وقلت لها لا...
المهم سوولي فحص وما بين فيني شئ الحمدلله
المهم قالوا هي أيام وبتروح هالنفخة
المهم الموضوع مر عليه اكثر من أسبوع والأصابع مثل ما هي ما تغيرت

ومب بس جيه ... لاحظت بعد ان بنتي الله يشافيها .... ويعافيكم فيها إسهال
وما عرفت شو اسويلها عسب أوقف الإسهال او شو سببه من الأساس


حد عنده الحل ....؟!؟!؟!؟!؟!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله مافيكن الا العافية

ممكن الإسهال يكون بسسب بعض الأطعمة اللي بتكليها

لو استمر وديها لدكتور يكون احسن..

__________________________________________________ __________

>>>> الرد الثاني :
ربي يعافيج اختي ...

__________________________________________________ __________

>>>> الرد الثالث :
امممم صبري شوي عليها وحاولي تبتعدي نهائيا عن الموالح وحافظي على الاكل الصحي وبعدين ارجعي افحصي مرةً ثانية اذا مافي تحسن اما بخصوص البيبي روحي لدكتور اطفال خلة يشوفة وينصحج احسن ولا تترين لانه وايد كتكوت ما يتحملون بعدين يصيبة جفاف لا سمح الله لازم تروحي وبتلقين الحل ان شاء الله

__________________________________________________ __________

>>>> الرد الرابع :
تسلموووون خواتي ع المرور
وبنتي بوديها بأقرب فرصة للدكتور

__________________________________________________ __________

>>>> الرد الخامس :
الغاليه انا في حملي الاول و الثاني صار لي جيه ريولي تنتفخ اخر الشهور و بعد الولاده اتم فتره جيه

كانوا يتحرون فيني سكري الحمل او ضغط بس الحمدلله رب العالمين ما فيني شي مجرد اوديما تصيبني وقت الحمل (احتباس سوائل الجسم)

انا اصلا بدون حمل و جسمي كله منتفخ من الماي عندي احتباس شديد في السوايل و يزيد عليه في الحمل.

و خلال فتره الاربعين يروح عني في ولدي راح الماي بعد اسبوعين او 3 ماذكر بالضبط

في بنتي تم جسمي منفخ فتره الاربعين كلها بس عقب راح الانتفاخ

عشان تخفين الانتفاخ عليج بتخفيف الملح في الاكل او تستغنين عنه لو تقدرين لين يروح الانتفاخ و عليج بشرب الماي هو العلاج الوحيد للاحتباس .


بخصوص الاسهال


اولا هل رضاعته طبيعيه ولا صناعي؟؟

الرضاعه الطبيعيه تخلي براز الطفل مائي. براز الطفل المولود يكون اصلا مايع و فيه حبيبات طبيعي جدا ووايد امهات جدد يتخرعون اول فتره يتحرونه اسهال

و طبيعي يسويها الياهل اول الايام فوق ال 5 مرات معناته انه يالس ياخذ حاجته من الحليب

الاسهال بتعرفينه من لون البراز

اللون الاصفر الكركمي و مايع فيه حبيبات هذا براز طبيعي

لو لونه اخضر معناته الطفل جاسه برد و هالشي يؤدي للاسهال

بس لو متاكده انه اسهال استشيري الطبيب