شو خطتـــــــكم ل بعد الولادة ،، نصايح تجارب .............الخ حياكم

[hamida]

عنوان الموضوع : شو خطتـــــــكم ل بعد الولادة ،، نصايح تجارب .............الخ حياكم
مقدم من طرف منتديات الضمير العربي

السلام عليكم


اتمنى يكون موضوع شامل و كامل ل بعد الولادة


شو لازم نسوي بعد الولادة مباشرة و خاصة في فترة الاربعيييين !!
نبغي نرجع شرات قبل لنفسنا قبل ازواجنا و نبغي نكون احلى و اروع
و نخلي البطن لاصق بالظهررر


اللي عندها برنامج معين يا ريت تكتبه
و كل وحدة تخبرنا شو مجهزة ل بعد ولادتها
و اللي عندها نصيحة او خبرة ممكن تنصح باجي الحوامل و المربيات


ابغي اشياء دقيقة و تفصيلية مب سوي رياضة و مشد و جم نبغي شي تفصيلي ^..^

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

موضوع حلو

صراحه ليما الحين ماحطيت جدول ,, بس ناويه ومتحمسه اني اسوي ان شاءالله يارب

بنتظر الردود علشان اخذ افكار

__________________________________________________ __________

>>>> الرد الثاني :

بانتظار الاستفادة من نصائحكم لاني بجر ماعرف شي

__________________________________________________ __________

>>>> الرد الثالث :

افكر اسوي ال بي جي في نادي السيدات وبشترك فالنادي عسب الرياضة بس بسال الدكتورة بالاول متى اسوي كل ها بعد الاربعين ولا بعد اسبوعين من الحمل واكيد حمام المغربي كل اسبوع اواسبوعين عسب يرد لون الجسم ويشد وبحاول اكل اكلات اكثر صحية وبودر اكلات الزيتية عسب البيبي يستفيد من الحليب وانا استفيد وها خططي بعد الحمل والله الاعلم شو بيصير

__________________________________________________ __________

>>>> الرد الرابع :

مب من الحمل بعد ماربي قصدي ***وها اول حمل لي والله يسهل علي وعلى الجميع

__________________________________________________ __________

>>>> الرد الخامس :

أنا بصراحه بعد الولادة في نفس اليوم اللي كنت فيه في المستشفى أحاول اسوي تمرين انه اشفط بطني في اليوم تقريبا اكثر من سبع مرات والحمدالله ما عندي كرش

لما سرت بيت أهلي كنت ادهن بطني بزيت الزيتون

كل انواع أكياس الشاي شريتها البابونج والزعتر والينسون والزنجبيل مع ليمون والنعناع اذا بغيت اشرب محطيه بويلر عدالي اسخن واقعد أنوع كل يوم عسب الغازات والإمساك والبرودة

بديت بعد اسبوع بتمرينات معينة شرات تمارين كيجل وتمرين البطن اول يوم خمس وبعدين بديت أزيد بالتدريج حتى تشد العضلات وترد شرات قبل على فكرة ما سوولي خياطه والحمدالله

للجسم بديت بالفازلين أحط بالليل واسبح الصبح اسوي شرات المساج عسب يخفف السواد والحمدالله

حاولت اهتم باكلي وكنت اراجع مع الدكتورة اول بأول سويت فحوصات للفيتامينات والمعادن والغدة والرحم وعطتني حبوب وفيتامينات وجدول غذائي والحمدالله

هذا اللي تذكرته للحين

الله يسهل عليكم