عنوان الموضوع : ماء الجنين ...ساعدوني تغذية صحية
مقدم من طرف منتديات الضمير العربي

السلام عليكم ..

اشحالكم؟ ان شاء الله بخير ..

انا حامل بالشهر السابع الحمدلله وسرت العيادة يوم الخميس اللي طاف والدكتورة قالتلي ان الماي اللي حوالين الجنين ناقص بس شويه مب وايد قلتلها في مشكله او ضرر قالت لا عادي ...

واااااااااااااااااااااايد متخوفه من هالموضوع وعندي مليون سؤال ..

يعني الماي يوم ينقص لازم ينزل من الرحم ؟ لاني مره حسيت نفس السائل نزل معي وعقبها ماشي الحمدلله

كيف اعوض النقص ؟ قالولي شرب الماي ما يخصه

عادي اسوي سونار هالاسبوع يعني الخميس وبيكون بينه وبين السونار الاولاني فحدود 6 ايام ؟

هل نقص حركة الجنين له علاقة بنقص الماي ؟ يعني اذا حركة الجنين قلت هذا دليل على نقص واذا كانت عادية دليل ان الماي عادي؟

دعواااااااااااااااااااااتكم لي هذا اول حمل بعد انتظار الله يحفظ اللي فبطني يارب العالمين ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
محد ناوي يفيدني ولو بدعوة

__________________________________________________ __________

>>>> الرد الثاني :
الله يتمم حملج وحملي على خير ، وان شاءالله مايكون خطر على الجنين

__________________________________________________ __________

>>>> الرد الثالث :
ربي يحفظج انتي والجنين حبوبه

ان شاء الله البنات يفيدونج .. : )

__________________________________________________ __________

>>>> الرد الرابع :
آلله يحفظلج جنينج ويقومج بالسلآمة ان شآء الله ،
بس يُفضل انج تتأكديـن من الموضوع لأنه ربيعتي كآن مآي جنينهآ نآقص
و قالولهـا انه خطـر ع الجنيـن ، و أتوقع كانت تاخذ مغذي ..

بس تـأكدي من الموضوع أحسن و شوفـي أكثر من دكتورة
و إن شـآء الله خيـر =)

__________________________________________________ __________

>>>> الرد الخامس :
ربي يحفظج انتي والجنين حبوبه