عنوان الموضوع : اسمين معورين قلبي تغذية صحية
مقدم من طرف منتديات الضمير العربي



والله اني محتارة بين اسمين وكل ما تذكرت تدمع عيني

والسالفة وما فيها

امي الغالية توفت بداية شهر رمضان الله يرحمها ويغفر لها

وكانت تتمنى ان الله يرزقني ببنت عشان تسميها عنود

والله راد يرزقني بالولد الاول وبعدها الثاني وهي تتنظر البنت وبعدها الولد الثالث

والحين انا حامل وقبل ما تتوفى امي باسبوع سالتني شو قالت الدكتورة ولد ولا بنت

وخبرتها ان موعدي بالمستشفى بعد ثلاث ايام وراح اخبرها شو بتقول لي الدكتورة

وبعدها امي تعبت ونسيت الموعد وتوفت في بداية هذا الشهر

ومن اسبوع رحت المستشفى اراجع وخبرتني الدكتورة اني حامل ببنت

ودخلت اقرب حمام عزكم الله في المستشفى اصيح فيه لاني ما لحقت ابشر امي بالبنت

والموت فرق بينا اللهم لا اعتراض

والحين كل العايلة تتمنى ان الله يرزقني بالبنت عشان اخلف

اسم امي الغالية ومن ضمنهم زوجي وابوي الغالي

وانا محتارة هل اسميها على الاسم اللي كانت تبغي تسميه ولا على اسمها

شو رايكم

اسميها عنود ولا اسم امي الغالية شيخة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يرحمها ويغفرلها ويجعل مثواها الجنة
انا افضل انج اتسمين البنت على اسم اللي كان فخاطرها
اللي هي عنود أما اسم الثاني حمل الياي ان شاء الله

__________________________________________________ __________

>>>> الرد الثاني :
يالله حبيبتي صيحتيني والله
عورتي قلبي

اسأل الله العظيم في هذا اليوم الطيب من الشهر الفضيل
ان يكرمها بالجنه بصحبة الاخيار والابرار والصديقين والنبين والشهداء وحسن اولائك رفيقا

سميها اللي خاطرها فيه

__________________________________________________ __________

>>>> الرد الثالث :
الله يرحمها ويصبركم على فراقها ،،،

سميها عنود لان كان خاطرها بهالاسم ،،

__________________________________________________ __________

>>>> الرد الرابع :
الله يرحمها يااا رب ويغمد روحها الجنه
سميها عنود لانه فخاطرها

__________________________________________________ __________

>>>> الرد الخامس :
الله يرحمها ويغفر لها ويصبرج حبيبتي
الافضل انج تستخيرين

وانا اقول سميها ع اسم الوالده الله يرحمها