السلام عليكم و رحمة الله و بركاته
شخباركم حبيباتي خواتي
شخبار امور الحمل ،، ان شاء الله كل شي يكون على مايرام
و الله يسهل على كل حامل ولادتها ،، و ربي يرزق الذرية الصالحة لجميع المسللللمين يااااارب
انزين خواتي ،، ندخل في الموضوع
أختكم الحلوة ،، حامل في السابع ،، و ع نهايته تقريباً
و الحبيبة ما جهزت شي ابد ابد ابد لا للبيبي و لا للاستقبال ولا التوزيعات و لا أي شي بالمرررررة
مريحة الاخت خخخخخ\\ لا جد ،، ما كنت حاطة ف بالي ابد ان في طفل بيدخل حياتي و لازم اتجهز و اتشرى قبل وصوله ،،
طبعا هذا مولودي الثاني الحمدلله
الحين من البارحة بس شديت حييلي ،، و دورت و حصلت وحدة الحمدلله تسويلي طقم النفاس ،، لكن حليلها اتوقع كرهت عمرها من كثر أسئلتي
و من كثر ما اتنقش حتى ساعات ماترد علي
المهم خواتي ،، ابا آخذ رايكم ،، في كل شي سويته ،، و ممكن تذكروني بأشيا انا ناستنها لان ماشاء الله التجهيزات وايد يبالها و انتو طبعا ادرى بهالشي
بالنسبة لطقم النفاس ،، حبيت يكون ثيم محايد ,, لا ولادي ولا بناتي ،، بغيته ابيض لؤلؤي و تيفاااني فاااااتح
كفر الام و منز البيبي و لبس الام و لبس الام و مفرش الطاولة الخاص بالضيافة اباه بنفس الالوان و بنفس الثيم
الديكورات الثانية ،، علبة الكلينكس ،، الزبالة عزكم الله ،، سلة توزيعات
(( احس السلة مالها داعي افكر الغيها ، لأني مافكرت للحين بالتوزيعات ،، فأكيد بيكون في ستاند مميز بسويه للتوزيعات ،، شرايكم الغيها احسن ))
و بالنسبة للضيافة ،، افكر اسوي شاي و قهوة ،، و رشوفة ،، كب كيك ،، و وحدة قالت لي شوكولالا يسوون أكواب سويتات حلوة ،، و من بيك هوم بطلب بعد سويت ،،و بعد يمكن اطلب بسبوسة بالحشو،، اعتقد يكفي السويت ،، بالاضافة للمحشي
حبيباتي الي جربت سويتات بيك هوم و شوكولالا تخبرني بليززز عشان اكون عارفة ..
الماي بطلب من تاجرة تسويلي ثيم بنفس الالوان على القلاصات الصغيرة
، مع تغريسة الكب كيك أو البسبوسة
هي صح ،، الكب كيك يباله قاعدة للحين ماشريتها ،، وين ممكن احصلها ؟؟
هي صح اتذكررررررررررت ،، انا حصلت توزيعات حللللوة في محل موجود عدنا في دبي ،، اظن في ميركاتو مول اسمه xocolatlme
شرايكم فيه ،، حد جربه قبل ؟؟ و شو عن اسعاره ؟؟ بليز حبيباتي خبرووني بالي تعرفونه
و اذا في شي كنت ناستنه ياريت تخبرووني ،، و اكون شاكرررررررة لكم ،، و اهم شي اهم شي تدعون لي اربي طبيعي لاني مربية بعملية ببنتي الاولى
دمتم بود عزيزاتي
،،،
عن اطقم النفاس مادري ماجربت اسوي أنا بروحي اخذ وافصل والكفر من محلات الكفرات ، السويتات سيري المحلات وجربي واسألي واطلبي اللي تبينه وخذي الارقام عندهم ديلفري للمستشفى عادي يوصلون ، والله يسهل عليج وعلينا واتربين طبيعي ، اتمنى البنات يفيدونج
رد مع اقتباس
