عنوان الموضوع : 30 اسبوع بليززز الي عندها فكره.. تغذية صحية
مقدم من طرف منتديات الضمير العربي
السلام عليكم
مابطول على طول بدخل فالموضوع اليوم كان عندي موعد فالعياده
الدكتوره سوت لي سونار قالت كل شي اوكي حجم البيبي و الوزن الحمدالله اوكي
بس في نقطه لازم اوضحه لج انه الماي الي حوال البيبي زياده
قلت لها كيف يعني الحين شو اسوي قالت خلينا نسوي الفحص و3D اول .. بس مااقالت شي زياده
يعني قصدهاا بتخبرني عقب الفحص ^_^ وتخيلو الموعد شهر 1 تاريخ 14
ها مال فحص الدم ><" و ال3D ف مستشفى لطيفه شهر 3 تاريخ1
ف انتو احسبو انا ف اسبوع 30 و 5 ايام وعاطيني تاريخ الولاده شهر 3 تاريخ 8 وقالولي فحساب الدوره بيكون 28 شهر 2 يا قبل هالتاريخ بسبوع يعني 18 /2 و يا بعده بسبوع يعني 8 شهر 3
الحين ابااااااا اعرف شو سالفة الماي وهل هو مضر ولا ؟؟
و بيأثر علي ولا على البيبي لا سمح الله ..,؟؟
لانه الموااعيد بعيده ما اقدر ايلس على اعصابي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله تبين الصدق اختي في گل حمل لها يقولون لها الماي زياده وماشاءالله عيالها كلهم يابتهم بصحة وعافيه اللهم لك الحمد والشكر ..
بس اكيد يفرق من وحده لوحده وتفرق نسبة زياده الماي مادري انتي كييف وضعج ..!
الافضل تتأكدين في عياده خاصه وان شاءالله ماعليج شر .. وايدات حملن وصار لهم زياده بالماي لاتوسوسين وايد سيري للدكتوره وبتطمنج ان شاءالله..
ربي يسهل عليج الغاليه..
__________________________________________________ __________
>>>> الرد الثاني :
آمييين
تعرفين هي ماقالت لي النسبه بس يوم تكلمت معى السستر الي وياها جان تقول النسبه 8 والطبيعي 4
__________________________________________________ __________
>>>> الرد الثالث :
المواعيد فالحكومي وايد بعيدة سيري للخاص احسن وهم بيفهمونج كل شي ،،،، وان شاء الله ماعليج شر
__________________________________________________ __________
>>>> الرد الرابع :
ماعليج خلاف
ان شاء الله تقومين بتلسلامه عيوووني
__________________________________________________ __________
>>>> الرد الخامس :
ان شاء الله بسير خاص
دعواتكمممم
رد مع اقتباس
