عنوان الموضوع : ساعدوني بدكتوره بابوظبي حالتي صعبه
مقدم من طرف منتديات الضمير العربي

السلام عليكم الله يعطيكم العافيه ويسر اموركم ياااارب بغيت اسالكم عن دكتوره نسائيه شاطره بابوظبي انا حامل بتوم بالشهر الثالث عن طريق الانابيب والحمدالله انا سويت العمليه بالشارجه والحين بعد الثالث صعب اروح وارد والدكتوره نصحتني اروح ع دكتوره بنفس الاماره بس ما اعرف حد هنيه وانا وضعي حساس لان ممنوعه من الحركه طول فتره الحمل ومهدده بالولاده المبكره فبغيت اروح ع دكتوره شاطره ياريت الي تعرف تخبرني لاني خايفه وما اعرف وين اروح وان شاء الله بميزان حسناتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
دكتورة نادية في مركز نادية الطبي
دكتورة سوسن في مستشفى برجيل
دكتورة عفاف في هيلث بلس
دكتورة مريانا في مركز الامير الطبي

__________________________________________________ __________

>>>> الرد الثاني :
انا كنت اسير عند الدكتورة نوال الخالدي هي زينه وايد وشاطرة بس اخر مرة سرت عنطها حسيت انها استوت مادية انا الدورة تاخرت شهرين قالت عندج تكيس وكنت اخذ حبوب منع الحمل 3 سنوات ووقفتهن قالت لي لازم تاخذين علاج للحمل قلتها انا توني موقفه الحبوب ليش علاج الحمل وانا الحمد الله يبت ولدي الاول بدون شي قالت مب معناته يبتي الاول بتيين الثاني ما اخذت العلاج ودفعت الف درهم رديت البيت ونفسيتي زفت نفس الشهر حملت الحمد الله قلت قصتي عسبت تعرفين اذا تبين نوال شاطرة بس استوت مادية
ماريانا بالامير الطبي زينه سرت لها مرتين بس

__________________________________________________ __________

>>>> الرد الثالث :
الله يتمم لج ولنا على خير
دكتوره مريانا في الامير الطبي ممتازة بس مشكلتها دايما زحمه وتروحين بدون موعد انا دوم اروح لها المسا حاولي اتسيرين الصبح ممكن ماتكون زحمه

__________________________________________________ __________

>>>> الرد الرابع :
الله يسهل عليج غناتي
شي وايد دكاترة في ابوظبي على مستوى
ومنهم :-
ناديه بمركز ناديه الطبي
دكتوره جيهان شلبي بمستشفى دار الشفاء
دكتوره عفاف في هلث بلس
دكتوره سوسن مستشفى بارجيل
دكتوره سوسن و دكتوره حنان بمستشفى النور
دكتوره أمل بمستشفى الامارات كوزمسيرج
وسيري كورنيش افتحي ملف وتابعي معاهم عندهم استشاريات ودكاترة ممتازات واهم وحده منهم دكتوره رحماني بصراحه ممتازة وايد

والله يوفقج غناتي ويثبت حملج ويقر عينج بشوفتهم وهم بأتم الصحه والعافية

__________________________________________________ __________

>>>> الرد الخامس :
انا صديقتي كانت حامل بتوأم مشاءالله وطول فترة الحمل تتابع عند دكتوره جيهان بمستشفى دار الشفاء الين الثامن مشاءالله كانت تتابعها وكانت بعد تروح مستشفى الكورنيش واتابع معاهم لانه حمل التوأم يباله متابعه وملاحظة
اختي وبعد لا تنسين حمل الانابيب يباله اهتمام وانا مثلج حامل بالأنابيب وطول فترة الحمل أتابع في المركز الي حملت منه ومستشفى الكورنيش وعند جيهان لأني وايد كنت اتعب والحمد لله الحين قربت ولادتي والأمور ان شاء الله طيبه

أستخيري فديتج وربي يوفقج ويسهلها عليج