عنوان الموضوع : محتاجه خبراتكن .. ضروري تغذية صحية
مقدم من طرف منتديات الضمير العربي
السلام عليكم و رحمه الله و بركاته
الغاليات انا عندي استفسار
من دخلت التاسع .. انقباضات الولاده بدت عندي و كانت كل 15 دقيقه و وقتها كنت مرقده في المستشفى .. بس لما الدكتوره كانت تكملني و تقول يمكن نولدج قيصري بسبب مشكله اعاني منها .. انا خفت وايد و يلست اصيح مابا قيصري .. و من الحاله النفسيه اللي دخلت فيها .. انقباضات الولاده وقفت .. و قالت الدكتوره هذا بسبب الخوف .. في بالي قلت الحمدلله .. يمكن مب وقته ..
الحين من يومين بدت عندي الآلام مره ثانيه .. و الانقباضات تييني كل 15 دقيقه .. طبعا سويت فحص عنق الرحم كان متوسع 3 سم و قالت الدكتوره اطلعي و حاولي تمشين وايد و ان زاد عليج الم الانقباضات ارجعي المستشفى او ان صار 3 طلقات كل عشر دقايق !!! .. طبعا امس مشيت مال ساعه و نص و زاد علي الالم .. و رجعت للمستشفى امسات بالليل .. و سويت تخطيط .. و فعلا الم الانقباضات زاد عندي وايد و صارن كل 10 دقايق بس !!! عنق الرحم ما توسع ؟!!
الحين محتاره مب عارفه شو اسوي .. ذبحني الم الانقباضات .. ياليتها لو خفيفه .. الانقباضات قويه عندي و احس بألم فضييييييع .. ومب قادره اكل و اشرب شي و لا انام من التعب .. كل اللي اباه انام بس .. وايد احتاج للراحه .. و اقول هذا وانا ما ربيت للحين و مافيني حيل و لا طاقه .. ماعرف شو بسوي وقت الولاده ..
طبعا انا محتاجه خبراتكن للي مرت في نفس هالحاله .. ابا طرق توسع عنق الرحم بسرعه .. مابا اي شي من المواضيع اللي مكتوبه او كلام النت .. ابا عن تجربه .. ابا وحده جربت طرق و صدق نفعتها .. اللي تعرف تفيدني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي الله يقومك بالسلامة اختي اشربي قرفة توسعلك الرحم واشربي ميرمية تخففلك الألم
وأحسن شيء لتوسيع الرحم عفوا (الجماع) وبالسلامة حبيبتي
__________________________________________________ __________
>>>> الرد الثاني :
هذا معناته قربت ولادتج انا قعدت اسبوعين قبل اربي لدرجة الم الطلق فالتخطيط كان يوصل 100بس ماربيت الا عقب اسبوعين من بدايتها بطلق صناعي عشان عندي سكري حمل لاتخافين هالالام والطلوق تخفف عليج الالام الولاده عن تجربه الله يسهل عليج وبعض الحريم من اخر الثامن تمسكهم هالالام تقومين بالسلامه يارب
__________________________________________________ __________
>>>> الرد الثالث :
شكله منان قوي فيج قربت الولاده ربي يسهل عليج يارب عليج بالمشي على سيفة البحر وايد بتفيدج
__________________________________________________ __________
>>>> الرد الرابع :
مشكورات الغاليات ع المعلومات ..
قبل شوي كنت في المستشفى و شافتني الدكتوره ..
و باجر بإذن الله بيسوولي تحريض .. لان وايد تعبت من الالام
والله يسهل علي و على كل حامل ولادتها
__________________________________________________ __________
>>>> الرد الخامس :
ان شا الله بتربين بالسلامه وطمنينا عليكي
رد مع اقتباس
