عنوان الموضوع : تجاربكم في مستشفى خليفة للولادة في عجمان؟
مقدم من طرف منتديات الضمير العربي
السلام عليكم شخباركم خواتي؟
بليز ابغي مساعدتكم ما باقي شي على ولادتي
و صارت ظروف خلتني اغير المستشفى اللي اراجع فيها
وقالولي مستشفى خليفة في عيمان عندهم مستشفى يديده للولادة فاتحينها من سنة ونص تقريبا يعني اكيد حديثه ومتطوره وفيها أحدث الاجهزه والغرف وستاف متكامل..
بس يا ليت تفيدوني منو جربت الولادة فالمستشفى اليديده؟
ومنو أفضل الدكاتره؟ وكيف عنايتهم واهتمامهم؟ وهل يصبرون عليج؟ ومتوفره عندهم ابرة الظهر؟ وكيف مستوى الغرف الخاصة والنظافة؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
دخلت بس عشان ارد عليج
انا ترقدت عندهم قبل ولادتي لمدة يومين
فالمستشفي اليديد لكن طلعت ورحت مستشفي دبي لأنه لقيت مكان في الحضانة لولدي لانى ولدت قبل الثامن
الإيجابيات عندهم الدكاترة حنونات ويشرحون لج كل شي عن حالتج بالتفصيل والممرضات أغلبهم كانوا في مستشفي الزهراء يعني خبره
ويوم طلعت من عندهم ورحت مستشفي دبي اتصلوا يتطمنون هل أنا وصلت بسلامه
السلبيه الوحيدة فنظري واللي خلتنى اطلع انه عنبر قبل الولادة ممنوع حد يزورج فيه حتى لو امج أو اختج وممنوع حد يدخل وياج غرفة الولادة حتى امج وهالشي ما حبيته
ومن صراخ الحريم عرفت انه مافي مسكن وحتى مستشفي دبي يوم رحت ولدت فيه ما عطوني أي مسكن ويوم طلبت خذوني علي قد عقلي لين ربيت
ولادتي الأولي في الزهراء حطولي مسكن فالمغذي وكمام ابدا ما تعبت ولا صرخت نفس ه الولادة لكن الاهتمام قبل وبعد +انه زوجي وأختي دخلوا وياي هالشي خفف عني
__________________________________________________ __________
>>>> الرد الثالث :
عود منثور ييتي والله يابج
مشكوورة حبيبتي ما قصرتي عطيتيني فكرة
بس خوفتيني من سالفة أن محد يدخل وياج!
انا بجريه وما اتخيل اتم بروحي بالساعات وماعرف كيف أتصرف وغير جيه عندي فوبيا خوافه وايد كيف بستحمل بدون مسكنات ولا ابرة الظهر
كيف الغرف الخاصه واسعه و مرتبه؟ والمستشفى من داخل بشكل عام؟
__________________________________________________ __________
>>>> الرد الرابع :
مرة اختي ترقدت هناك و وقعوها ع تعهد ان ما شي حضانة لولدها لانها كانت في نهاية السابع و ياها الطلق
و حاولنا معاهم ما شي فايدة عيل ليش مسوين مستشفى خاص للنساء
تقريبا رقدت 4 ايام و عقب شلت قشها و سارت مستشفى لطيفة
بصراحة بصراحة المستشفى صفر صفر صفر في ناحية لو صار شي طارىء
و الشي اللي ما عيبني ان غرف ما قبل الولادة ما يدخل فيها حد
و تمت يحليلها تتريى ريلها وما دخلوه و كانت بروحها و ما خبرتنا
و غرفة ما قبل الولادة مجابلة الولادة مباشرة تسمعين اصوات و صريخ الله لا يراويج
و بعد هذا يدل ان ما يعطونهم مسكنات تخفف الالم او ادوخ ع الاقل
يعني اللي ما بتخاف بتموت من الخوف و بتيها جلطة
انا واقفة عند الباب وما دخلت والله مت من الزيغه
طبعا قارنيه في مستشفيات دبي و لطيفة
غرف الولادة في دبي بعيدة شوي عن غرف ما قبل الولادة و يالله يالله الصوت ينسمع و يهتمون في ها السوالف
يعني لو قلتي الصوت عالي صكوا باب غرف الولادة يسمعونج
بس مال عيمان ولا يعطونج ويه مع ان اختي اشتكت و جي ولا غيروا نظامهم
و يروم ريلج و امج يدخلون عندج غرف ما قبل الولادة
ولو صارت ولادة مبكرة في الشهر السابع و الثامن .. عندهم حضانات وايدة
و بعدين كيف المواطنة تربي وما في حضانة وين عايشين !
غير ان دبي عندهم ابرة الظهر فري للمواطنات و مسكنات للعضل و للوريد واكسجين بس بشرط تطلبينها قبل و تكتبين في الفايل حتى الصريخ عندهم اقل هههههههه
صدق صدق ما انصحج ابدا ابدا
القاسمي احسن منهم بواييييييد
__________________________________________________ __________
>>>> الرد الخامس :
هلا اختي
انا قلت اللحين ربت بالسلامة وجابت النونو انت لسه مطولة ؟؟
ربي يسهل عليج
بس حريم اريد اسألكم شو هي المسكنات الي يعطوها ما اذكر انهم اعطوني اي مسكن بولادتي الثلاث والله اوصل للموت من الالم والطلق وماشي ابرة ولا مسكن ابدا
رد مع اقتباس
