عنوان الموضوع : الي مفكرة تربي فمستشفى راك تدخل للصحة
مقدم من طرف منتديات الضمير العربي

السلام عليكم ورحمه الله وبركاته

شحالكن حبيباتي ؟


اممم انا الحين فالشهر الرابع وأراجع فمستشفى راك عند وحده هنديه اسمها لوليتا اممم هيه صح هندوسيه بس احسها وايد اطمن الواحد ودوم تقولي لاتسمعين كلام حد بس مشكلتها انها ماترمس وايد اقصد صح ترمس وايد واطمنج وكله تقول ( تراه الجنين مثل سمك في الميه )

بس مرات احس ابا اعرف اكثر يعني يوم اقولها يقولون الاناناس مب زين تقولي لاتسمعين كلام حد وعادي كلي كل شي بس لانه الجنين ياخذ الفايده مايخ الاضرار مثلا يعني عن الغازات وجيه تقولي هيه مابضر الجنين بس بضرج انتي انها ممكن تسويلج التهاب فالمعده وممكن يستويلج سكر حمل



في حد جربها او جرب دكتوره ثانيه ويحس انها احسن منها ^^
وشوه رايكم فعناية مستشفى راك تحسون احسن ولا كل وحده وحضها؟


واخر سؤال الدكتوره الي اراجع عندها بتولدني ولا الي بتكون مناوبه فهاك اليوم ^^


وبس تعرفون اول حمل ولا زم الواحد يسأل^^


اللهم اني استودعك جنيني فاحفظه بعينك التي لاتنام وبارك لي فيه واجعله من الصالحين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماجربت مستشفى راك الا ف الطوارئ وكل مره اكون حامل مره شفت هالدكتورة حسيتها زينه
ومن تجارب ربعي اشوفه ك عنايه جيد
الله يسهل عليج وعلينا يارب

__________________________________________________ __________

>>>> الرد الثاني :
امين الغلا

هيه زينه وانا مانكر هالشي بس يعني بغيت اجرب غيرها^^

__________________________________________________ __________

>>>> الرد الثالث :
وينكم بنات راك^^

__________________________________________________ __________

>>>> الرد الرابع :
هلا اختي

اول شي لوليتا وايد فنانه والكل يمدحها


بس الي ماحبيته بالمستشفى ان حزت الولاده الدكتوره المناوبه تولدج
وانا ماحب جذي

والخدمه ممتازه بصراحه والعنايه حلوه

__________________________________________________ __________

>>>> الرد الخامس :
بالعكس الحلو في مستشفى راك انه الدكتورة اللي تراجعين عندها هي اللي تولدج
مفروض يكون رقمها عندج ويوم ايي موعد الولادة وتحسين باي الم على طول تتصليلها وتخبرينها واتييج المستشفى حتى لو ماكانت مناوبتها

هذا عن تجربة ولادتين في مستشفى راك الحمدالله

والله يسهل عليج