عنوان الموضوع : بنات وامهات ابوظبي .. فيدوني يزاكم الله خير لسلامتك
مقدم من طرف منتديات الضمير العربي

السلام عليكم
بنات منو احسن دكتوره اراجع في بوظبي عندها هذا اول حمل لي ، وتوني فالشهر الاول وماعرف اسير عند منو ؟ خاصه اني احتاي عنايه لانه ضغطي من الله دووم نازل تحت الطبيعي وعندي انيما حاده
ف ابا دكتوره تنصحني وتعطيني نظام معين عشان مايستوي فالبيبي شي لاسمح الله يكون بخير وصحته زينه

فيدوني يزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حشى ٢٢ مشاهده ولا حتى رد واحد !!

شو طالبه عاد انا

__________________________________________________ __________

>>>> الرد الثاني :
بعدج. تابعي ف مستشفى الكورنيش او الرحبة من تدخلين الشهر الثالث. والله يسهل أمورج

__________________________________________________ __________

>>>> الرد الثالث :
الدكتورة عفاف في مركز هيلث بلس >>> حتى لو خذتي موعد تتريين بال3ساعات لان زحمه عليها
دكتورة ناديا في عيادة ناديا خلف دار الشفاء>>>> بدون موعد بس تتاكدين انها موجوده ماعندها عمليه وتروحين ويعطونج رقم وتتريين دورج
دكتورة مريانا في المركز الاميري الطبي >>>> بدون موعد توصلين وتاخذين رقم وتتريين دورج


هاذيل افضل 3 دكاترة في ابوظبي بالنسبه لي انصج روحي لدكتورة عفاف شاطره ماشالله عليها

__________________________________________________ __________

>>>> الرد الرابع :
أنا أراجع في مستشفى برايت بوينت اليديد اللي في نادي الجزيرة الرياضي ..

وعندج عيادة مزيد لو كنتي ساكنة في محمد بن زايد الدكتورة أماني شااااطرة هي مرجعي الثاني أراجع مرة عندها ومرة في برايت بوينت ..


هالمكانين ما فيهم زحمة ..


فيه في المركز الجراحي الامريكي الدكتورة هند عباس سودانية شاطرة بعد بالمواعيد المضبوطة وما عليها زحمة

__________________________________________________ __________

>>>> الرد الخامس :
بعد عندج الدكتورة نجوان في مركز فقيه .. بس عندها انتظار ساعة وساعة نص حتى لو سايرة لها بموعد .. هالشيء ما أحبه ..