عنوان الموضوع : مستشفى جامعة الشارقة.... لصحتك
مقدم من طرف منتديات الضمير العربي

السلام عليكم ورحمة الله وبركاته

خواتي بغيت افتح هذا الموضوع عشان كلنا نستفيد ونجمع اكبر عدد من الخبرات و الاراء عن مستشفى الجامعه ونساعد الي ناوين يربون في المستشفى باذن الله..

ببدأ عن نفسي.. انا اراجع عند الدكتوره ايمان والحمدلله ارتحت لها وكانت وايد مهتمه في ادق التفاصيل..انا ولادتي كلها كانت في (لطيفه) الوصل سابقا بس ماشفت اهتمام مثل مستشفى الجامعه.. وقالت لي نحن مب شرات الوصل دايه الي تولد قانون المستشفى يمنع هذا الشي كلهم دكاتره ومتمرسين والمساعدات كلهم على درجات عاليه ايون عقب الدكتوره..
وكان معاها كم حاله صعبه وكانت كل ساعه تمر تطمن عليهم.. والدكتوره عزه بعد حسيتها ممتازه ومهتمه.. المستشفى مجهز باحدث الاجهزه وراوتني البيبي ب 4 D سبحان الله روعه التصوير ربي يخليك لنا يالغالي الشيخ سلطان والله ماقصر فالمستشفى..
الشي الحلو انه عند قسم مراجعة الحوامل غرفة العاب الاطفال يعني تخلين ولدج او بنتج يلعبون وانتي تدخلين بدون صدعه للدكتوره..
بس الشي الي مخلني متردده انه المستشفى واايد هاديء ومحد عنده معلومات كافيه عن تجارب اشخاص
وبس واي وحده عندها اضافه وخلفيه عن المستشفى تفيدنا ومشكورين جميعا..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعطيج العافية

انا كنت اراجع قبل ما احمل عند الدكتورة غادة
و عقب حملي بعد كملت مراجعتي عندها تقريبا يمكن 4 مرات
بس بصراحة لان ما قدرت ماديا اولد عندهم نقلت ملفي لمستشفى الوصل

الصراحة المكان واييييييد حلو و مميز و راقي و تعاملهم رووعه ،، بس يمكن انا نفسج محتارة لاني ما سمعت تجارب للمستشفى و شوي متخوفة اني اربي قصيري و يطلع علي شي و شويات

__________________________________________________ __________

>>>> الرد الثاني :
الحمد ﷲ إتعالج عند دكتورة إيمان والحمد ﷲ مرتاحه عندها واطمنج بكل شيء

واهتمامهم فيج

عكس القاسمي. ما فّـٌٍُـّ☺ـٍُّـٌي اهتمام ولا شيء

__________________________________________________ __________

>>>> الرد الثالث :
مساء الخير انا كنت ابا انزل نفس الموضوع سبقتيني انا تعاملت يا ايمان وايد اوكيه وارتحتلها وسافرت الحين انا حامل بس بعدني برع البلاد وفكره اني اتعاج عندها ابا حد يقولنا رايهم والولاده انا جربت الزهراء روعهبس الجامعه قريب حذال البيت

__________________________________________________ __________

>>>> الرد الرابع :
مشكورات حبايبي والله يبارك فيكم وفي انتظار تجارب البقيه..

__________________________________________________ __________

>>>> الرد الخامس :
انا ابا اروح اراجع في مستشفى الجامعه .. لان الزهراء زززززحمممممممممممممممممه و الزلم مو مخلين مكان واااايد ياخذون وقت عند الدكتوره .. وما حب هالشي مولللليه لان صج المكان زحمه و كلهم يايبين رياييلهم ومافي مكان نقعد فيه ابدا الا صوب الحريم و بعد زحمه و المواعيد بع د ما تحصلينها وايد العصر لان الازدحام شديد بس صراحه الدكتوره شما شي عجيب و رائعه و خجمتهم ع البيبي حلوه .. بس لان مستشفى الجامعه جريب مني وايد بينا شارع بس احس احسلي من مراجعت الزهرا واذا ابا اربي اقدر امسك عمري لين حزت خلاص ما اقدر وفريره ع المدينه الجامعيه وعادي لو بروحي اروح ههههههه .. فابا اعرف منو من الدكتورات اوكي شفت البنات يقولون ايمان .. بجرب بس ريلي ما يطيع يقول الزهرا مع سلبيات الزحكه و الباركنج و الاحتيا المالي ساعات اضمن من المدينه الجامعيه عشان خبره جريب 30 سنه ..
بس من كثر ما يمدحونه الخط المباشر قلت ابا اجرب خاصه انه مو زحمه ..