عنوان الموضوع : انا في الثامن وينزل علي ماي لصحتك
مقدم من طرف منتديات الضمير العربي

مرحبا خواتي كيف حالكم صارلي يومين ينزل علي ماي لما اوكف كثير وبعدها اكعد وارجع بعد فتره اوكف يعني مو وايد قطرات لكن لما اكشف بيدي احسه وماله لا لون ولاريحه حركة البيبي طبيعيه لكني خايفه فيدوني رجاء

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
موو زين الغلا ها ماي البيبي
بسرعه سيري الطوارئ

__________________________________________________ __________

>>>> الرد الثاني :
سيري المستشفى وهم بيحددون اذا ماي لكن لا تهملين نفسج

__________________________________________________ __________

>>>> الرد الثالث :
سيري المستشفى احسن
بيخبرونج اذا من الالتهاب ولا ماي النونو
عسى الله يسهل عليج

__________________________________________________ __________

>>>> الرد الرابع :
انا مثلج وكل ما اروح المستشفى قالت عادي دام ان الماي ماينزل بكثره مره وحده
قلتلها مش بكثره بس انا اشوف ملابسي الداخليه تبلل ولازم ابدل كل شوي وقالت لي يمكن من الالتهابات ورطوبه لكن سويت مسحه والحمدلله مافيني التهابات وقلت يمكن عادي ..

لكن من يومين رحت عندي موعد قالتلي الدكتوره الماي ناقص عن الجنين ولازم اسويلج تخطيط للجنين اشوف حركته + اشعة سونار نشوف نسبة الدم اللي توصل للبيبي

فالبدايه خوفتني وماكنت عارفه لين قالتلي بعد الاشعه ان الجنين بخير ولله الحمد

دام انا احس بحركته

لكن اذا تحسين الحركه تقل خبري الدكتوره عشان ماينقص وايد الماي


لان لو نقص وايد يولدونج قبل الموعد

__________________________________________________ __________

>>>> الرد الخامس :
الله يتمم لج على خير ان شاء الله