عنوان الموضوع : استفسر عن حبوب. ضروري تغذية صحية
مقدم من طرف منتديات الضمير العربي
السلام عليكم
كيف الحال
بكتب بس بنك نيم ربيعتي ( لانه نيك نيمي وايد من اهلنا وربيعاتي يعرفونه )
المهم
انا سويت الأنابيب وسويت الترجيع من أسبوعين تقريبا. الحمدلله. وقالوا أني حامل ونسبه هرموني وصل 690 الحمدلله
واستخدم إبر التثبيت. يوم هيه ويوم لا. وعقب أسوي فحص دم
بس العيادة عطوني حبوب بيضا وتحاميل
المشكلة الحبوب ماحصلتلها. أباً اسأل حد جربها ومن وين أحصلها
للعلم انا ساكنه في ابوظبي
كنت احصلها في صيدلية بس يوم رحت قالوا خلصت وما وصلت الدفعه الجديدة. وكنت اخذها ب 9 ونص
ويوم سالت العياده وخبرتهم. قالوا عندنا. بس أغلى شوي. وسعرها 75 درهم
فرق السما والأرض. وصدق نصب واحتيال
اسم الحبوب. PROGYLUTON
اللي تعرف لا تبخل علي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وينكم خواتي. 13 مشاهدة ولا رد
__________________________________________________ __________
>>>> الرد الثاني :
اختي الله يا رب يثبتلج حملج
ادعي دوم
أحيد صيدلية مستشفى الامارات كوزموسيرج في بوظبي عندهم هالسوالف اساليهم
وبعد ترومين تتصلي في الاستعلامات وتساليهم عن أسامي الصيدليات الكبيرة في بوظبي واتصلي فيهم اساليهم عن الدوا ....
الله يوفقج
__________________________________________________ __________
>>>> الرد الثالث :
جربي صيدلية القاضي وصيدلية المناره
__________________________________________________ __________
>>>> الرد الرابع :
الله يثبت حملج يارب ويسهل لج
يمكن بتلاقيها بصيدلية ساد مارب الشهامة
__________________________________________________ __________
>>>> الرد الخامس :
ربيعتي راحت تسال في المنارة قالوا في بس محجوز لحرمه وما طاع يعطيها مع انها قالتله محتاجينه ضروري
وقالت في في النور اليوم بروح لهم
مستشفى الامارات رحت لهم من فترة قالوا مافي
اختي وين في الشهامه بالضبط. لاني انا ساكنه في الشهامه. بروح اسأل قبل مآ ضرب خط ل بوظبي
الله يسلمكن خواتي ومشكورات ع الرفع
والله يثبت حملي يارب
ويرزق كل محرومة يأكريم
رد مع اقتباس
