عنوان الموضوع : أبرة الظهر ...؟؟ لصحة الجسم
مقدم من طرف منتديات الضمير العربي

السلام عليكم خواتي ..

اليوم حبيت اناقشكن ف موضوع ابرة الظهر
صصارت موضة هالايام الكل ياخذها بدون مايشوف
شو مخاطرها وغيره ...

انا الصراحة ما اعرف عنها شي لاني يديدة ع هالسوالف
بس قالولي انها غادي تضر عقب الفتره من الولادة

ف اللي مجربة اتمنى تخبرنا شو موضوع الابره واذا اثرت فيها الابره عقب ..؟؟

والسموحة من الكل ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا خذتها اجباري لين الحين مااحس باي اعرلض الحمدلله وماعرف اذا عقب شي بيكون بس ان شاء الله مافي شي اهم شي تكون اللي بيعطيج الابره خبره وتعور مووت ورغم هاكله لو تحركتي نطفه النتايج شينه بتكون

__________________________________________________ __________

>>>> الرد الثاني :
انا خذتها مرتين لاني ربيت بعمليات والحمدلله ماشي مخاطر تذكر..قبل ما يعطونج اياها يرشون مكان الابرة بماي بارد وبنج بخاخ عشان ما تحسين بالم يوم يعطونج اياها..ماحس انها موضة بالعكس وايد امهات يخافون منها.. ما يعطونج اياها الا لو كنتي صدق محتاجتنها..وفي امها يقولون ما يبونها..الله يسهل على كل حامل وتربي بالسلامة.

__________________________________________________ __________

>>>> الرد الثالث :
اصلا المستشفيات الحكومية ماتعطي الوحدة الا يوم يشوفونها الويع زاد عن حده
شي ناس تحتايها مثل بنات عمي كلهن يربن طبيعي وبتوام بس تقولج ماقدر اتحمل الويع لان طلق الاولى يوقف وطلق التوام الثاني يبدا حتى تقول ماشي مجال اتنفس ويسوون حشره بيعدين يعطونهم

اما اللي تاخذ في مستشفيات خاصه صراحه ماعرف كيف يضمنون هالناس اذا مستشفيات حكوميه ريال اللي يعطيننا الابره ويكون دقيق
صراحه ما اثق فالمستشفيات الخاصه ابدا في مجال هالامور
الله يسهل علينا يارب

__________________________________________________ __________

>>>> الرد الرابع :
السلام عليكم اختي
بالنسبة لابرة الظهر عن تجربتي انا خذيتها في كل ولاداتي و اتساعد وايد
انا اربي في الخاص لاني ما اتطمن للمستشفيات الحكومية. و لان دكتورتي اتولد في الخاص. و الحمد لله ما حصلتلي عوارض
و ممكن تسالين الدكتورة شو هي العوارض و بتشرح لج بشكل علمي مفصل و اعتمادا على حالتج.
على ما اظن لازم من البداية اتخبرينهم انج تبين ابرة الظهر لان حتى التامين ما يشملها.

__________________________________________________ __________

>>>> الرد الخامس :
انا مستغربة أن في اﻻمارات يعطونها

عادي للي تطلبها

وانا يوم كنت بألمانيا طلبتها

ما رضوا يعطوني لها

ﻻزم سبب صحي هم يحددها له

وﻻزم أوقع واتحمل مسؤولية نفسي ومسؤولية البيبي

والحمدلله اني ما جربتها وان شاء الله ما أجراها

بس اذا كانت الوحدة وﻻدتها صعبة وتحتاج لابرة

ما تضمني اللي يعطيها لك أو أنك ما تتحركين فيها