عنوان الموضوع : المنطقه تحت عندي مرتضة بعد الولادة ساعدوني لحياة صحية
مقدم من طرف منتديات الضمير العربي

السلام عليكم بنات
انا الحمدالله مربيه من 24 يوم واحس المنطقة تحت عندي ثقيلة ونفس المرتضة ما اقدر أنام ولا ايلس احس بالم بالاضافة هالاسبوع صارلي يمكن شد بفتحة الشرج ما ادري بواسير ولا شرخ وظهري أحسبه متفكك ويعورني لما أنام عليه تعبانه واااايد بنات فيدوني بحل منو تعرفوا فابوظبي وحدة تمسح او دكتورة لأني تعبانه وخايفة يكون رحمي نازل اوشي ياثر علا حياتي ساعدوني الله يخليكم يالله اقدر اقوم للبيبي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عادي بعدج ما كملتي الاربعين أكيد بعدج بتتألمين وبتكونين تعبانه.... رحمج بعده نازل وفيه وزن وبيخف وبيرجع مكانه مع الرضاعه ويباله وقت.... وإذا فيج إمساك وهذا طبيعي بعد الولاده أكيد بيستوي فيج شرخ.... ولازم ظهرج بيكون متفجج تراج طالعه من ولاده ولازم تشربين سوائل دافيه وترفعين بطنج وتلفينه عدل بشيلة البيت أو بالغترة أو مشد طبي.... اشربي الحبة الحمرة اللي فيها زنجبيل وفلفل أسود وزبده مهمه وايد حق تماسك الظهر.... إلبسي دلاغات ضروري ومووول لا تمشين حافية على ارض بارده عشان ما تدخل البروده والهوا في رحمج وبطنج.... حطي حصا حارة على بطنج أو المطارة... وبطرشلج ع الخاص رقم موزة المزروعي تمسح في الشهامه اليديده وعندج بعد صالون اللوتس عندهم خبيرة فلبينية تمسح للمربيات وترفع الرحم في الخالدية مكانهم ...

__________________________________________________ __________

>>>> الرد الثاني :
مشكورة حبيبتي وما قصرتي وفي ميزان حسناتج طمنتيني يعني شي طبيعي لأني خفت يكون فيني شي انا يبت مالت صالون غير اللي ذكرتيه مرتين سوتلي مساج ومسحت شوي بطني بس احس ما استفدت وايد هي يتني للبيت
هل جربتي المساح عند هالحرمة وشو رايج وهل يعور المساح ولا مرة جربته وكم مرة لازم
وبالنسبة للصالون هل جربتيه وهل ايوون البيت

__________________________________________________ __________

>>>> الرد الثالث :
البواسير اذا بدايتها كثري تشربي سوائل وسلطات وفواكه و تجنبي الامساك وراجعي المستشفى يعطون جل يخفف الالم
لا تشلين اشياء ثجيله سرير او ولدج الكبير
ومن تراجعي بالمره طلبي فيتامينات تدرين انه الحرمه من تربي تنفتح عندها فقرات في الحوض للولاده ما اذكر العدد
حطي حصاه او مطاره وتأكدي انها مسكره عدل عن تتبطل
فركي بطنج وظهرج بزيت الزيتون دافي

__________________________________________________ __________

>>>> الرد الرابع :
سلامتج عزيزتي ما تشوفين شر
والله يعين كل وحدة مربية
والله يا اختي الولادة شي مو سهل الوحدة عظامها بتففكك من الدفع والللام
الله يؤجرنا على تعبنا ان شا الله

__________________________________________________ __________

>>>> الرد الخامس :
عزيزتي انا بعد استوالي تقريبا مثل حالتج حتا نفيستي سات ولاني بكر وماعندي فكرة عن الالم بعد الولاده كيف يكون فخفت وايد اتحسب فيني شي لاسمح الله كان الخياط واصل لين تحت ومنتفخ وما اقدر ايلس على مقعدتي موول وظهري وريلي من الورك كنها مخلوعه وتعورني وااايد وعطامي علها تعورني ويبت وحده وسوتلي مساج ساعتين وكل يومين تييني وبعديت تم يخف تدريجيا والحمدلله
انا مالبست المشد ولا حطيت شيلة ولاشي من التعب الي فيني ماقدرت بس تميت اشرب حلبة وحبة حمرا وسودا وفلفل اسود وغيرة من هالاشياء
والله يعين كل وحدة مربية وماتشوفين شر اختي