عنوان الموضوع : بنات لحقوني بطني مارد مثل قبل تغذية صحية
مقدم من طرف منتديات الضمير العربي
السلام عليكم خواتي...
بطني صاير كني حامل وماتغير الا شي بسيط وقالتلي وحدة انها كانت نفس الشي بطنها مارجع بالمشدات وبعد ما سوت مساج لبطنها رد مثل قبل
بنات دخيلكم منو تعرف وحدة في العين تسوي مساج التخسيس وتيي للبيت لان ظروفي ماتسمح اطلع من البيت
بليييز بنات ردو علي بسرعة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اكيد كنتي اضعيفه وااااايد عقب صار لج جيه ..
عادي انتي رضعي البيبي وايد البطن بيدخل ...
ولبسي المشد واشربي ماي دافي وايد ..
عقب ما تخلصين الاربعين امشي ..
وعقب ما تخلصين 3 شهور ايروبيك ..
__________________________________________________ __________
>>>> الرد الثاني :
الغالية انا تقريبا بخلص 3 شهور والبس مشد وللاسف ماتغير بطني الا شي بسيط والله مكتأبة من هالموضوع
__________________________________________________ __________
>>>> الرد الثالث :
أهم شي الرياااااضه بعد الاربعين
وأختي منو قالج البطن يرد بالمساج ؟؟؟
انا بعد ولادتي الاوليه وزني كان تقريبا 52 وبطني مارد شرات قبل تمت فيني الكرشه
وكنت اسوي رياضه علشان تخف بس ماخفت وايد لاني اهملت وماكملت
__________________________________________________ __________
>>>> الرد الرابع :
حبيبتي إنتي حملتي 9 شهور... إتريي 9 شهور ع الاقل.... 3 شهور اشويه... مع الرضاعه بتنقبض العضلات اشوي اشوي... لا تشربين ماي بارد وخصوصا وانتي واقفة.... استمري ع المشد وتمي اشفطي بطنج دوم ترا هذا بروحه تمرين ومفيد بعد ..
__________________________________________________ __________
>>>> الرد الخامس :
بخبرك تجربتي مع هالموضوع
بالنسبالي تميت البس المشد لبعد الولادة بفترة طوييييله وصلت ست شهور وابدا ما تغير شي , وزني رد مثل قبل الحمل يعني 60 ومع ذلك تمت فيني كرشه كاني حامل!!!
اكتشفت من خلال قراءاتي عن شد عضلات البطن , ان المشد اصلا كثر لبسه يرخى عضلات البطن ويزيد الترهل
الحل اختي لاختفاء الكرشة كالتالي:
اولا اتركي المشدددد البسيه فقط للضرورة لو حفلة او مناسبة حتى يكون شكل الجسم ارتب
لا تشربين ماي وانتي واقفه ابدا ابدا لانها ترخي عضلات البطن
ابتعدي عن مسببات الغازات لانها تنفخ البطن , يعني اودري المشروبات الغازية واكل العلكه واكلات مثل الملفوف والقرنبيط وغيرها
اضيفي لأكلك زنجبيل سواء باودر او طازج لانه يطرد الغازات ويهاجم دهون البطن
اكلي بذور عباد الشمس كسناك لانها تهاجم دهون البطن ولانها مغذية جدا
احرصي يوميا تشربين 2 ليتر ماي , ها بروحه ريجيم ويرطب البشرة ويزييييييييد الحليب جدا
عليكي بالرياضة ثممم الرياضة ساعه يوميا انتظمي عليها خاصة رياضة البطن , وتمي اسحبي بطنك للداخل حتى وانتي سايره بكذا بتقوين عضلات البطن ليرد للداخل
موفقة اختي
رد مع اقتباس
