عنوان الموضوع : وين احصل مدسات للبيبي حلوة ؟ للصحة
مقدم من طرف منتديات الضمير العربي

هلا خواتي احترت وين انزل سؤالي قلت هذا احسن مكان
انا في شهوري الاخيره والحمدلله خلصت اجهز اغراض البيبي كلها باستثناء المدس اللي احط فيه البيبي ان شاء الله وانا طالعه من المستشفى .
ادور على مدس حلو وصغير للاسف بيبي شوب تشكيلاتهم ما عيبتني ولفيت كذا محل ماعرف ليش المدس كبير وطويل ابا مدس صغير انيق شفت تجهيزات حريم سعوديات ماشاء الله محلاتهم فالسعوديه مدساتهم حللللوة صغيره و انيقه
ولا تقولون تاجرات لاني شفت شغل كذا تاجره نفس الشي احسه كبير وطويل
ماعرف لو فهمتو علي بس ياليت تخبروني من وين تاخذون مدس البيبي
انا من بوظبي وماعندي مشكله مستعده الف الامارات وادور
اتريا ردودكن ومشكورات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انزين شورايج تطبعين الشكل اللي تبينه و تسيرين عند الخياط و خبريه المقاس اللي تبينه شي خياييط في بوظبي اللي فالكرامه حذال مدرسة الشويفات وين اللي يسوون جلاليب بالدانتيل و بيفصلونه لج

__________________________________________________ __________

>>>> الرد الثاني :
عندج ماركه فيندي مدساتهم صغيره و عندج محل جكادي في دبي مول حلوات


اذا تقدرين طلبي من جلدرن سلون عنده أشياء تجنن و حلوه


ودمتم سالمين

__________________________________________________ __________

>>>> الرد الثالث :
انا مع الاخت سلام
children salon هالموقع مدساتهم رووعه
بس للاسف كلها قريب الالف او الف وشي هذا للماركات واحلى شي اشكال مدسات الماركات خاصتا ديور وفيرساجي

انا استخسر اعق هالسعر على مدس مابستعمله الا شوي
فصلت عند تاجره في الانستجرام وايد حلو بس بعدني ما استلمته
نفس ستايل ديور وبيج ساده لاني ماحب الاوفر شكلج نفس ذوقي
ماعيبني شي في بيبي شوب

__________________________________________________ __________

>>>> الرد الرابع :
السلام عليكم
نفس معاناتي في كل حمل
الحمدالله هالمره لقيت مدس نفس المواصفات اللي تبينها في اوبيبي [اوكايدي]
ما اعرف احط صور والا بحط صورته

__________________________________________________ __________

>>>> الرد الخامس :
خواتي انا بعد ابا بس يكون سعره معقول
اذكرولنا محلات ف بوظبي شو اساميهم ؟؟