عنوان الموضوع : التهاب مع الحمل لحياة صحية
مقدم من طرف منتديات الضمير العربي

السلام عليكم والرحمة ..


انا حامل في الشهر 2

وعندي التهاب داخل الرحم , وهالالتهاب مسوي ريحة وصخه مش طبيعية

وفووق هذا كله سرت مستشفى الكرنيش ولقيت دكتورة عطتني تحميله
وهالتحميله 3 ايام لين ماطلعت ويوم طلعت .. طلع معاها ماي وردي وريحته تصرع

المهم 3 ايام ريلي ماخليته ايينيي .. بعدها يوم ياني رجع الم اللتهاب خفيف
احس ماشي فايدة بدا كنه يرجعلي وكرهتتتتتتتتتتتتتتتت ريلي والسبب الالتهاب مع انه
مايخصه المسكيين , صرت اتشرد عنه ارقد قبله ولا اقوله ضاربتني لوعه واحس بزوع
والسبب هالالتهاب , بس احس يوم يقطعني ريلي يخف الالتهاب ويروح وتروح الريحه
بس يوم يرجعلي يرجع الالتهاب بالتدريج والريحة بعد :"(

صح نسيت اقول الدكتورة خذت مني عينه وقالت بنوديها المتخبر
وبنتصلج خلال يومين او ثلاث ايام والحين هذا
الاسبوع الثاني ولاحد عبرني ؟! ........

شو تنصحوني ؟ اتعالج وين ف بوظبي ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سيري عياده خاصه وخليها تعالجج احسن
وشوفي احتمال ريلج الي يرد لج الالتهاب
ﻻزم يتعالج علشان يروح عنج الالتهاب انا الدكتوره عطتني لي ولريلي
واحسن تتعالجين منه وهو يتعالج بعد ﻻن الالتهاب يسوي فتح لعنق الرحم ويمكن يوصل للجنين

__________________________________________________ __________

>>>> الرد الثاني :
ايوه صح كلام الأخت
شوفي اختي انا يتني حكه مع حرقان مت ما احب شي إيني
الصراحه قمت ايب غرشه ماي واحط فيها ملح بعد كل ما اروح الحمام واتغسل وارجع أتغسل بالماي والملح ولا انشف اتريا عليه صح شوي يحرق بس بسرعه مفعوله تميت ٣ ايام كل يوم مره او مرتين الحمد الله احس اني احسن

ساعات يكون ريلج حامل الالتهاب متعادي منج فهمتي لازم هوه بعد يروح مافيها شي لو قلتيله يوم ارقد معاك إيني التهاب

__________________________________________________ __________

>>>> الرد الثالث :
هذا مب إلتهاب أعتقد طبيعي .... أنا لما أحمل في ولد تستوي عندي هاي المشكله نفسج بالضبط... ريحه تصرع في أول شهور الحمل... وأحس اللي يالس قريب مني يشمها فيني.... وخبرت الدكتورة وخذت مني عينه وما طلع فيني إلتهاب..... اعتقد بسبب تغير الهرمونات في الجسم لأن هرمونات الولد تختلف عن هرموناتنا الانثوية هذا تفسيري أنا بروحي ههههه .... انا أحينه في نهاية السادس خفت الريحه وااايد واستخدم غسول نسائي عشان أخفف من المشكله وأحاول ألبس فوط نسائية يوميه.... بس صدق لوعة جبد انا في حملي في البنات ما صارت عندي هاي المشكله...... الله يعينج....

__________________________________________________ __________

>>>> الرد الرابع :
انا عندي نفس المشكله وكل مره يقولولي شي مره التهاب ومره بكتيريا
عطوني مضاد حيوي وتحميله وما نفعوني

وما اقدر اسوي شي ويا ريلي لانه يتم يعورني ويحرقني

اتوقع ان هالشي عقب الحمل يروح .. بس بصراحه اخاف ارد اخذ مضاد حيوي الحين بعد الولاده عادي اذا ما راح برد اراجع ..
اما الحين برضى بالامر الواقع لين الولاده ان شاءالله ..

__________________________________________________ __________

>>>> الرد الخامس :
المفروض الدكتورة تعطيكم حبوب انتو الاثنين
انا صارلي التهاب وفطريات وقت الحمال
وعطنتي تحاميل ومرهم
وعطت ريلي حبوب عسب ماينعدى مني ويرجع يعاديني بالالتهابات